កាលពីថ្ងៃសៅរ៍ ទី២៥ ខែមីនា ឆ្នាំ២០២៣ មានកម្មវិធីតាំងបង្ហាញ បុរី វិមានសំណាង នៅក្នុងផ្សារទំនើប ម៉ាក្រូ សែនសុខ ខណៈដែលក្នុងនោះគេសង្កេតឃើញថា តាំងពីពេលព្រឹក ដល់ពេលល្ងាច អតិថិជនជាច្រើនដែលធ្វើដំណើរទៅកម្សាន្ត ឬទៅទិញទំនិញនានានៅផ្សារទំនើបមួយនេះ កាន់សុទ្ធតែប៉េងប៉ោងរបស់ បុរី វិមានសំណាង។
លោក សួន ពិសិដ្ឋ ទូតសុឆន្ទៈជាផ្លូវការរបស់បុរី វិមានសំណាង បានឱ្យដឹងថា កម្មវិធីតាំងបង្ហាញរបស់ បុរី វិមានសំណាង ធ្វើឡើងរយៈពេលពីរថ្ងៃពេញ នាថ្ងៃទី២៥-២៦ ខែមីនា ឆ្នាំ២០២៣ នៅក្នុងផ្សារទំនើប ម៉ាក្រូ សែនសុខ ជាមួយនឹងរង្វាន់ពិសេសៗជាច្រើនសន្ធឹកសន្ធាប់ សម្រាប់អតិថិជន ដែលធ្វើការកក់ ឬទិញនូវវីឡាប្រណិតរបស់ បុរី វិមានសំណាង ក្នុងនោះរួមមានទាំងការបង្វិលកងបញ្ចុះតម្លៃពិសេសចាប់ពី ១៥០០ដុល្លារ រហូតដល់ ៣០០០ដុល្លារ។
បុរី វិមានសំណាង របស់លោកឧកញ៉ា បណ្ឌិត គីម ហ៊ាង និងលោកជំទាវឧកញ៉ា គង់ សំណាង ជាបុរី លំដាប់ អភិជន ដែលមានម៉ូដផ្ទះវីឡា ៣ប្រភេទគឺ វីឡាឃីង វីឡាឃ្វីន និងវីឡាព្រីន។ ប្រិយមិត្តអាចអញ្ជើញទៅកាន់ការិយាល័យរបស់គម្រោង បុរី វិមានសំណាង ផ្ទាល់ ដែលមានទីតាំងស្ថិតលើមហាវិថីឈ្នះ ឈ្នះ ភូមិផ្សារលិច សង្កាត់ព្រែក ព្នៅខណ្ឌព្រែកព្នៅ រាជធានីភ្នំពេញ។
គួរបញ្ជាក់ថា បុរី វិមានសំណាង ស្ថិតនៅខាងជើងក្រសួងដែនដី ២៥០០ម៉ែត្រ សាងសង់លើដី ២៥ហិកតា ជាវីឡាព្រីន បែបក្លាសិក វីឡាឃ្វីន បែបក្លាសិក និងជាវីឡាឃីង បែបក្លាសិក ឬបែបបារាំង ដែលចំណាយថ្លៃសាង សង់ច្រើនជាង និងប្រណិតជាងការសាងសង់វីឡាបែបទំនើបនានា។ បុរី មានសួនច្បារ កន្លែងហាត់ប្រាណ កន្លែងលេង កីឡា ផ្លូវ ធំ ដើមឈើច្រើន និងព្រែកធម្មជាតិ ស្មើជិត ៤០% នៃផ្ទៃដីសរុប ដែលសាកសមបំផុត សម្រាប់ គ្រួសារ អភិជន កម្ពុជាស្នាក់នៅប្រចាំថ្ងៃ៕
