មិនខុសប្លែកពីសប្ដាហ៍មុនប៉ុន្មានឡើយ បញ្ជីឈ្មោះមហាសេដ្ឋីមានបំផុតលើលោកទាំង ១០រូប មិនមានការផ្លាស់ប្ដូរច្រើនឡើយ ពោលអ្នកមានដាច់គេ Top 4 គឺនៅតែដដែល។
បើសង្កេតមើលឲ្យមែនទែន សហស្ថាបនិក Google លោក Larry Page បានធ្លាក់តំណែងទៅកាន់លេខ ១១ ខណៈកាលពីសប្ដាហ៍កន្លងទៅ លោកក៏មានវត្តមាននៅបញ្ជីអ្នកមានបំផុតផងដែរ។
ដោយឡែក សម្រាប់សប្ដាហ៍នេះវិញ Forbes បានរៀបរៀងបញ្ជីឈ្មោះស្ដេចត្រាញ់មានលុយច្រើនដាច់គេលើលោក ដោយក្នុងនោះចៅស្រីស្ថាបនិក L’Oréal ក៏មានវត្តមានក្នុងបញ្ជីមួយនេះដូចគ្នា និងជាស្ត្រីតែម្នាក់គត់ក្នុងចំណោមមហាសេដ្ឋីមានបំផុតទាំង ១០រូប។
តទៅនេះគឺជាបញ្ជីឈ្មោះមហាសេដ្ឋីមានបំផុតលើលោកទាំង ១០រូប ផ្អែកតាមរបាយការណ៍ពី Forbes គិតត្រឹមថ្ងៃទី ២៩ មេសា ២០២៣៖
1. Bernard Arnault ប្រធានក្រុមហ៊ុន LVMH មានទ្រព្យសម្បត្តិសរុបប្រមាណ ២៣៦,១ពាន់លានដុល្លារ
2. Elon Musk ប្រធានក្រុមហ៊ុន Tesla មានទ្រព្យសម្បត្តិសរុបប្រមាណ ១៧៤,៥ពាន់លានដុល្លារ
3.Jeff Bezos ស្ថាបនិកក្រុមហ៊ុន Amazon មានទ្រព្យសម្បត្តិសរុបប្រមាណ ១២៨,៥ពាន់លានដុល្លារ
4.Larry Ellison ស្ថាបនិកក្រុមហ៊ុន Oracle មានទ្រព្យសម្បត្តិសរុបប្រមាណ ១១៨,៣ពាន់លានដុល្លារ
5.Warren Buffett ស្ថាបនិកក្រុមហ៊ុន Berkshire Hathaway មានទ្រព្យសម្បត្តិសរុបប្រមាណ ១១៥,៣ពាន់លានដុល្លារ
6.Bill Gates ស្ថាបនិកក្រុមហ៊ុន Microsoft មានទ្រព្យសម្បត្តិសរុបប្រមាណ ១១៣,១ពាន់លានដុល្លារ
7.Carlos Slim Helu ស្ថាបនិកក្រុមហ៊ុន Grupo Carso មានទ្រព្យសម្បត្តិសរុបប្រមាណ ៩៦,៧ពាន់លានដុល្លារ
8.Steve Ballmer អតីត CEO ក្រុមហ៊ុន Microsoft មានទ្រព្យសម្បត្តិសរុបប្រមាណ ៩៥,៦ពាន់លានដុល្លារ
9.Francoise Bettencourt Meyers ចៅស្រីស្ថាបនិក L’Oréal មានទ្រព្យសម្បត្តិសរុបប្រមាណ ៩៥ពាន់លានដុល្លារ
10. Michael Bloomberg សហស្ថាបនិកក្រុមហ៊ុន Bloomberg LP មានទ្រព្យសម្បត្តិប្រមាណ ៩៤,៥ពាន់លានដុល្លារ៕
