ក្រុមហ៊ុន Ford Motor Co បានប្រកាសពីប្រាក់ចំណូលប្រចាំត្រីមាសទីមួយ មានការកើនឡើងរហូតដល់ ២០% ក្រោយរថយន្តប្រភេទ Pick-up និង SUV មានតម្រូវការខ្ពស់។
យោងតាមការចុះផ្សាយពី Yahoo បានបង្ហាញថា ប្រាក់ចំណូលត្រីមាសទីមួយនាឆ្នាំ ២០២៣ នេះ របស់ក្រុមហ៊ុន Ford ទទួលបាន ៤១,៥ពាន់លានដុល្លារ ខណៈកាលពីឆ្នាំទៅពួកគេទទួលបានត្រឹម ៣៤,៥ពាន់លានដុល្លារប៉ុណ្ណោះ។
នេះក៏បណ្ដាលមកពីតម្រូវការរថយន្ត SUV និង Pick Up ដែលទទួលបានការពេញនិយមខ្លាំងប៉ុន្មានឆ្នាំចុងក្រោយនេះ ស្របពេលក្រុមហ៊ុនផលិតក៏ព្យាយាមបន្ថែមមុខងារទំនើបៗ និងផ្ដល់ផាសុកភាពដល់អ្នកប្រើប្រាស់ឲ្យកាន់តែងាយស្រួលជាងមុន។
បន្ថែមពីនោះ កំណើនអ្នកប្រើប្រាស់រថយន្តថ្មីក៏កើនច្រើន ដ្បិតក្រុមហ៊ុនបានដាក់ចេញនូវវិធានការសម្រួលដល់ស្ថានភាពហិរញ្ញវត្ថុអតិថិជន ដូចជាការបង់រំលោះឥតការប្រាក់ និងការធានាជួសជុលរយៈពេលយូរ ដែលមានភាពងាយស្រួលជាងការទិញរថយន្តមួយទឹក៕
