នាព្រឹកថ្ងៃសៅរ៍នេះ ក្រុមហ៊ុន KW Cambodia (Keller Williams Cambodia) ដែលមានឧកញ៉ាបណ្ឌិត គីម ហ៊ាង ជាប្រធាន បានបង្ហាញពីតម្លៃដីជាមធ្យមនៅក្រុងរាជធានីភ្នំពេញ តាមសង្កាត់នីមួយៗ សម្រាប់ខណ្ឌចំនួន ៥ គឺខណ្ឌដង្កោរ ខណ្ឌកំបូល ខណ្ឌពោធិ៍សែនជ័យ ខណ្ឌព្រែកព្នៅ និងខណ្ឌជ្រោយចង្វារ។
អត្រាតម្លៃដីជាមធ្យមនៅរាជធានីភ្នំពេញ នៃខណ្ឌចំនួន៥នេះ គឺវាយតម្លៃដោយក្រុមហ៊ុនជំនាញផ្នែកអចលនទ្រព្យរបស់លោកឧកញ៉ាបណ្ឌិត គីម ហ៊ាង ផ្ទាល់ ដែលយោងតាមទិន្នន័យពីឆមាសទី១ ឆ្នាំ២០២២។ ចង់ដឹងតម្លៃដីនៃខណ្ឌទាំង៥ ខុសប្លែកគ្នាយ៉ាងណានោះ សូមទស្សនាខាងក្រោម៖
សូមជម្រាបជូនថា KW Cambodia គឺជាអាជីវកម្មមួយ ដែលលោកឧកញ៉ា គីម ហ៊ាង បានចុះហត្ថលេខាផ្តាច់មុខ រយៈពេល២០ឆ្នាំ បូក២០ឆ្នាំ ស្មើនឹង៤០ឆ្នាំ ហើយលោកបាននាំយកក្រុមហ៊ុនរបស់អាមេរិកមួយនេះ មកកម្ពុជា តាំងពីឆ្នាំ២០១៨។ KW Cambodia មកពីពាក្យពេញ Keller Williams Cambodia ដែលក្រុមហ៊ុនអាមេរិក Keller Williams Realty International បង្កើតឡើងដំបូង កាលឆ្នាំ១៩៨៣ ជាក្រុមហ៊ុនអចលនទ្រព្យ ប៉ុន្តែក្រោយមក ក្រុមហ៊ុននេះបានកែប្រែពីក្រុមហ៊ុនអចលនទ្រព្យ ទៅជាក្រុមហ៊ុនបច្ចេកវិទ្យាផ្នែកអចលនទ្រព្យវិញ។
បច្ចុប្បន្ន KW ជាក្រុមហ៊ុនដែលមានបច្ចេកវិទ្យាវិស័យអចលនទ្រព្យដ៏ទាន់សម័យជាងគេ ធំជាងគេ ដែលប្រើលុយដល់ពាន់លានដុល្លារ ដើម្បីបង្កើតនូវប្រព័ន្ធគ្រប់គ្រងលើវិស័យអចលនទ្រព្យ។ ការពង្រីកសក្តានុពលរបស់ក្រុមហ៊ុន KW នេះ គឺលក្ខណៈសកលលោកដែលបច្ចុប្បន្ននេះបានបើកដល់ ៥២ប្រទេសរួចហើយ ក្នុង ៥ទ្វីប ហើយក្នុងនោះក៏មានប្រទេសកម្ពុជាផងដែរ៕
