លោកឧកញ៉ា គីម ហ៊ាង អគ្គនាយកបុរី វិមានសំណាង បានថ្លែងអំណរគុណលោកស្រី ចន្ថា (Chantha) ថៅកែក្រុមហ៊ុន Pichy Import & Export ដែលបានគាំទ្រ និងទិញវីឡាប្រណិត នៅបុរីលំដាប់អភិជន វិមានសំណាង កាលពីពេលថ្មីៗនេះ។
លោកឧកញ៉ា ប្រធាន KW Cambodia បានបង្ហាញសារអំណរគុណលើទំព័រហ្វេសប៊ុកថា៖ “សូមអរគុណ Chantha ហៅ PICH ថៅកែ Pichy Import & Export ចំពោះការគាំទ្រ និងទិញវីឡា នៅបុរី វិមានសំណាង ហើយក្លាយជាអ្នកជិតខាងជាមួយ គីម ហ៊ាង។ មានលុយអាចទិញផ្ទះនៅទីណាក៏បាន តែអ្នកមិនប្រាកដថាអាចទិញសហគមន៍ សម្រាប់រស់នៅបាននោះទេ។ នៅបុរី វិមានសំណាង លំដាប់អភិជន លើផ្ទៃដី ២៥ហិកតា គឺយើងសាងសង់តែ វីឡាទោលប្រណីតៗ សម្រាប់បំពេញតម្រូវការរស់នៅប្រចាំថ្ងៃ ដល់អតិថិជនលំដាប់អភិជននៅកម្ពុជា”។
បុរី វិមានសំណាង របស់លោកឧកញ៉ា បណ្ឌិត គីម ហ៊ាង និងលោកជំទាវឧកញ៉ា គង់ សំណាង ជាបុរី លំដាប់ អភិជន ដែលមានម៉ូដផ្ទះវីឡា ៣ប្រភេទគឺ វីឡាឃីង វីឡាឃ្វីន និងវីឡាព្រីន។ បុរី វិមានសំណាង ស្ថិតនៅខាងជើងក្រសួងដែនដី ២៥០០ម៉ែត្រ សាងសង់លើដី ២៥ហិកតា ជាវីឡាព្រីន បែបក្លាសិក វីឡាឃ្វីន បែបក្លាសិក និងជាវីឡាឃីង បែបក្លាសិក ឬបែបបារាំង ដែលចំណាយថ្លៃសាង សង់ច្រើនជាង និងប្រណិតជាងការសាងសង់វីឡាបែបទំនើបនានា។ បុរី មានសួនច្បារ កន្លែងហាត់ប្រាណ កន្លែងលេង កីឡា ផ្លូវ ធំ ដើមឈើច្រើន និងព្រែកធម្មជាតិ ស្មើជិត ៤០% នៃផ្ទៃដីសរុប ដែលសាកសមបំផុត សម្រាប់ គ្រួសារ អភិជន កម្ពុជាស្នាក់នៅប្រចាំថ្ងៃ៕
