កាលពីសប្ដាហ៍មុន មេធំក្រុមហ៊ុន Tesla មហាសេដ្ឋី Elon Musk បានដណ្ដើមងារជាអ្នកមានដាច់គេលើលោកវិញ ក្រោយខកខានអស់ជាច្រើនខែ។
រំលងបានតែមួយសប្ដាហ៍ប៉ុណ្ណោះ មហាសេដ្ឋីបារាំង Bernard Arnault ក៏កំពុងតែសំងំកើបលុយ ខណៈតំណែងកំពូលមួយនេះ ក៏នៅមិនឆ្ងាយប៉ុន្មានពីកណ្ដាប់ដៃរបស់ប្រធានក្រុមហ៊ុន LVMH ឡើយ ពោលគម្លាតទ្រព្យសម្បត្តិរវាង Elon Musk និង Bernard ខុសគ្នាតែជាង ៣ពាន់លានដុល្លារប៉ុណ្ណោះ។
យោងតាមការចុះផ្សាយពី Forbes បានបង្ហាញឲ្យដឹងថា គិតត្រឹមថ្ងៃទី ១៧ មិថុនានេះ ទ្រព្យសម្បត្តិរបស់ស្ដេចត្រាញ់បារាំងមានប្រមាណ ២៣៣,៤ពាន់លានដុល្លារ ខណៈមហាសេដ្ឋីអាមេរិកមាន ២៣៦,៩ពាន់លានដុល្លារ។
ខាងក្រោមនេះគឺជាបញ្ជីឈ្មោះមហាសេដ្ឋីមានបំផុតលើលោកទាំង ១០រូប ផ្អែកតាមរបាយការណ៍ពី Forbes គិតត្រឹមថ្ងៃទី ១៧ ខែមិថុនា ឆ្នាំ២០២៣៖
1.Elon Musk ប្រធានក្រុមហ៊ុន Tesla មានទ្រព្យសម្បត្តិសរុបប្រមាណ ២៣៦,៩ពាន់លានដុល្លារ
2.Bernard Arnault ប្រធាន ក្រុមហ៊ុន LVMH មានទ្រព្យសម្បត្តិសរុបប្រមាណ ២៣៣,៤ពាន់លាន ដុល្លារ
3.Larry Ellison ស្ថាបនិកក្រុមហ៊ុន Oracle មានទ្រព្យសម្បត្តិសរុបប្រមាណ ១៥៦,២ពាន់លានដុល្លារ
4.Jeff Bezos ស្ថាបនិកក្រុមហ៊ុន Amazon មានទ្រព្យសម្បត្តិសរុបប្រមាណ ១៤៨,២ពាន់លានដុល្លារ
5.Bill Gates ស្ថាបនិកក្រុមហ៊ុន Microsoft មានទ្រព្យសម្បត្តិសរុបប្រមាណ ១១៨,២ពាន់លានដុល្លារ
6.Warren Buffett ស្ថាបនិកក្រុមហ៊ុន Berkshire Hathaway មានទ្រព្យសម្បត្តិសរុបប្រមាណ ១១៧,៨ពាន់លានដុល្លារ
7.Larry Page សហស្ថាបនិកក្រុមហ៊ុន Google មានទ្រព្យសម្បត្តិប្រមាណ ១០៤,៩ពាន់លានដុល្លារ
8.Steve Ballmer អតីត CEO ក្រុមហ៊ុន Microsoft មានទ្រព្យសម្បត្តិប្រមាណ ១០៤,៤ពាន់លានដុល្លារ
9.Carlos Slim Helu ស្ថាបនិកក្រុមហ៊ុន Groupo Carso មានទ្រព្យសម្បត្តិប្រមាណ ១០១,៤ពាន់លានដុល្លារ
10.Mark Zuckerberg ស្ថាបនិកក្រុមហ៊ុន Meta Platforms មានទ្រព្យសម្បត្តិប្រមាណ ៩៩,៧ពាន់លានដុល្លារ៕
