បងប្អូនដែលទៅលេងរមណីយដ្ឋានគិរីរម្យ ចង់ញ៉ាំផ្លែឈើធម្មជាតិ អាចឆៀងចូលតូប កូនស្រីតារាកំប្លែងនាយចេកនៅ ត្រង់ស្ពានទី២ ឬអ្នកភ្នំពេញដែលចង់បាន ក៏អាចកម្មង់បានដូចគ្នា នោះ តាចេក នឹងដឹកមកជូន។
តាចេកថ្លែងឲ្យដឹងថា លោកមានកូនស្រីម្នាក់បានទៅរកស៊ីលក់ផ្លែឈើនៅស្ពានទី២ ផ្លូវឡើងទៅភ្នំ គិរីរម្យ ជាច្រើនឆ្នាំមកហើយ ក្នុងនោះលោកតែងតែទៅលេងញឹកញាប់។លោកថា នៅទីនោះបច្ចុប្បន្នដល់រដូវផ្លែឈើច្រើនមិនថា ធូរ៉េន សាវម៉ាវ ដូង កំពីងរាជ គឺសំបូរខ្លាំងណាស់ ដូចនេះ បើសិនជាបងប្អូនទៅលេងទីនោះ សូមជួយទិញកូនស្រីលោកផង ហើយចំពោះអ្នកភ្នំពេញវិញ អាចទាក់ទងបាន លោកនឹងឲ្យកូនស្រីផ្ញើមក ដឹកឲ្យដល់ផ្ទះតែម្ដង តម្លៃវិញលក់ដូចគេដូចឯង។
ការទៅលក់ផ្លែងឈើ នៅផ្លូវឡើងទៅរមណីយដ្ឋានគិរីរម្យ របស់តាចេក មិនទៅលក់ជាប្រចាំឡើយ ពោល ដូចបានលើកឡើង គឺលោកទៅជួយលក់ពេលតែទៅលេងកូនស្រីៗ និង ចៅៗម្ដងម្កាលប៉ុណ្ណោះ ទីតាំងប្រកបអាជីវកម្មអចិន្ត្រៃយ៍របស់លោក គឺលោកនៅតែ លក់ភេសជ្ជៈគ្រប់មុខនៅ តាមបណ្ដោយផ្លូវជាតិលេខ២ផ្លូវទៅទន្លេបាទី ម្ដុំហួសរង្វង់មូលគូរស្រូវ ដដែល។ ដូចនេះប្រសិនបើបងប្អូនចង់ជួយទិញផ្លែឈើធម្មជាតិពី តាចេក អាចទាក់ទងលេខទូរសព្ទ លោកផ្ទាល់ 012704372។
