ធនាគារអភិវឌ្ឍន៍អាស៊ី (ADB) បានទម្លាក់ការព្យាករណ៍អំពីកំណើនសេដ្ឋកិច្ចរបស់វៀតណាម ដោយសារតែមូលហេតុនៃបញ្ហាប្រឈមមួយចំនួន នៃសេដ្ឋកិច្ចរបស់ប្រជាជាតិអាស៊ីអាគ្នេយ៍ មកនៅត្រឹម ៥,៨% នៅឆ្នាំនេះ ខណៈកាលពីពេលកន្លងទៅធ្លាប់ព្យាករណ៍ថា អាចកើនដល់ ៦,៥%។ នេះបើតាមការចុះផ្សាយពីសារព័ត៌មាន VNExpress ។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
ADB បាននិយាយក្នុងរបាយការណ៍មួយថា វិស័យឧស្សាហកម្ម និងផលិតកម្មរបស់វៀតណាម បានបន្តប្រឈមនឹងសម្ពាធពីតម្រូវការខាងក្រៅប្រទេស ស្របពេលធនាគារមួយនេះក៏បានទម្លាក់ការព្យាករណ៍នៃកំណើនសេដ្ឋកិច្ចរបស់វៀតណាមនៅឆ្នាំ២០២៤ ពី ៦,៨% មកនៅត្រឹម ៦,២% ផងដែរ។
ដោយឡែកកាលពីពេលកន្លងទៅថ្មីៗនេះ រដ្ឋមន្ត្រីក្រសួងផែនការ និងវិនិយោគបានលើកឡើងដែរថា វៀតណាមកំពុងប្រឈម នឹងបញ្ហាយ៉ាងតឹងរឹង ក្នុងការសម្រេចបាននូវគោលដៅកំណើនពី ៦ ទៅ៦,៥% នៅឆ្នាំនេះថែមទៀតផង៕
