កំណើនសេដ្ឋកិច្ចនៅប្រទេសថៃ កំពុងស្ថិតនៅលើដំណើរឆ្ពោះទៅរកសញ្ញាល្អប្រសើរវិញ ស្របពេលវិស័យទេសចរណ៍ ក៏មានការកើនឡើងខ្ពស់គួរឲ្យកត់សម្គាល់ ខណៈការនាំចេញមានការធ្លាក់ចុះ។ នេះបើតាមការចុះផ្សាយពីសារព័ត៌មាន CNA។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
យ៉ាងណា ធនាគារកណ្ដាលថៃ ហៅកាត់ BOT បានអះអាងថា កំណើនសេដ្ឋកិច្ចនៅប្រទេសថៃ នឹងមានការងើបឡើង ដោយសារសន្ទុះនៃកំណើនភ្ញៀវទេសចរណ៍ គឺជាសូចនាករឈានមុខនៃការស្ទុះឡើងវិញនៃសេដ្ឋកិច្ចថៃ។
គួររំលឹកដែរថា ការនាំចេញ ដែលជាកូនសោសំខាន់នៃសន្ទុះសេដ្ឋកិច្ចក្នុងស្រុក បានធ្លាក់ចុះប្រមាណ ៥,៩% ខណៈវិស័យឯកជនក៏មានការថយចុះ ០,៣% បើធៀបនឹងឆ្នាំមុន។
សូមជម្រាបដែរថា នៅត្រីមាសទី ២ នៃឆ្នាំ ២០២៣នេះ សេដ្ឋកិច្ចនៃប្រទេសថៃ មានការងើបឡើងគួរឲ្យកត់សម្គាល់ បើធៀបនឹងត្រីមាសមុន ស្របពេលចំនួនភ្ញៀវទេសចរណ៍បរទេសកើនឡើងជាលំដាប់ ស្របពេលសេវាកម្ម និងការប្រើប្រាស់ឯកជនក៏មានការរីកចម្រើនផងដែរ៕
