នាថ្ងៃព្រហស្បតិ៍ទី ០៣ ខែសីហានេះ ធនាគារធំបំផុតរបស់សិង្ហបុរីគឺ DBS Group បានប្រកាសពីប្រាក់ចំណេញប្រចាំត្រីមាសទី២ របស់ពួកគេ ដែលមានច្រើនជាងការរំពឹងទុក រហូតដល់ ៤៨%។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
យោងតាមការចុះផ្សាយពីគេហទំព័រ CNA បានបង្ហាញថា ប្រាកចំណេញចន្លោះពីខែមេសា ដល់ខែមិថុនារបស់ធនាគារខ្នាតយក្សនៅអាស៊ាន មានការកើនឡើងខ្ពស់បំផុតដល់ ២,៦៩ពាន់លានដុល្លារ បើធៀបនឹងឆ្នាំទៅក្នុងរយៈពេលដូចគ្នា មានត្រឹម ១,៨២ពាន់លានដុល្លារប៉ុណ្ណោះ។
ប្រាក់ចំណេញកប់ក្ដោងរបស់ DBS ក៏មានច្រើនជាងការរំពឹងទុក ពីអ្នកវិភាគ ៤រូបមកពីស្ថាប័ន Rfinitiv ដែលព្យាករណ៍ថា ធនាគារមួយនេះអាចទទួលបានប្រាក់ចំណេញ ២,៤១ពាន់លានដុល្លារ សម្រាប់ត្រីមាសទី ២។
សូមជម្រាបបន្ថែមថា DBS គឺជាធនាគារផ្ដល់ប្រាក់កម្ចីធំបំផុតប្រចាំតំបន់អាស៊ីអាគ្នេយ៍ និងជាធនាគារធំបំផុតប្រចាំប្រទេសសិង្ហបុរីផងដែរ៕
