ឯកឧត្តម ជា លីសែ ផ្ញើសារចូលរួមអបអរសាទរ និងជូនពរឧត្តមសេនីយ៍ទោ ម៉ឹង ពន្លក ដែលត្រូវបានតែងតាំងជាអគ្គនាយក នៃអគ្គនាយកដ្ឋានភស្តុភារហិរញ្ញវត្ថុ ក្រសួងការពារជាតិ

ឯកឧត្តម ជា លីសែ អនុរដ្ឋលេខាធិការក្រសួងព័ត៌មាន បានផ្ញើសារចូលរួមអបអរសាទរ និងជូនពរឯកឧត្ដម ឧត្តមសេនីយ៍ទោ ម៉ឹង ពន្លក ដែលត្រូវបានព្រះករុណា ព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា ចេញព្រះរាជក្រឹត្យត្រាស់បង្គាប់តែងតាំងជា អគ្គនាយក នៃអគ្គនាយកដ្ឋានភស្តុភារហិរញ្ញវត្ថុ ក្រសួងការពារជាតិ កាលពីថ្ងៃទី០២ ខែសីហា ឆ្នាំ២០២៣។

ឯកឧត្តម ជា លីសែ សូមលើកហត្ថប្រណមបួងសួង ដល់គុណបុណ្យព្រះរតនត្រ័យ គុណកែវទាំងបី ព្រមទាំងវត្ថុស័ក្តិសិទ្ធិក្នុងលោក សូមតាមជួយថែរក្សាការពារ និងប្រោះព្រំប្រទានពរជ័យបវរសួស្តី ជ័យមង្គល និងវិបុលសុខគ្រប់ប្រការ ជូនចំពោះឯកឧត្តម ឧត្តមសេនីយ៍ទោ ម៉ឹង ពន្លក និងលោកជំទាវ ព្រមទាំងបុត្រា-បុត្រី សូមបានសមប្រកបតែនឹងពុទ្ធពរទាំងបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕