ក្រុមប្រឹក្សាសន្តិសុខអង្គការសហប្រជាជាតិ នឹងបើកកិច្ចប្រជុំមួយជាសាធារណៈនាសប្ដាហ៍ក្រោយ ដើម្បីពិភាក្សាគ្នាពីបញ្ហារំលោភបំពានសិទ្ធមនុស្ស នៅប្រទេសកូរ៉េខាងជើង ក្រោមការសំណូមពរពីសហរដ្ឋអាមេរិក អាល់បេនី និងជប៉ុន។
យោងតាមការចុះផ្សាយពីសារព័ត៌មាន CNA បានបង្ហាញថា កិច្ចប្រជុំមួយនោះ នឹងក្លាយជាការជួបគ្នាជាសាធារណៈ បែបផ្លូវការជាលើកដំបូង សម្រាប់សមាជិកក្រុមប្រឹក្សាសន្តិសុខអង្គការសហប្រជាជាតិ ទាំង ១៥ប្រទេស តាំងពីឆ្នាំ ២០១៧មក។
គួររំលឹកដែរថា កូរ៉េខាងជើងតែងតែច្រានចោលរាល់ការចោទប្រកាន់ ពាក់ព័ន្ធនឹងការរំលោភបំពានសិទ្ធមនុស្ស ហើយតាំងពីឆ្នាំ ២០០៦ មក ពួកគេបានស្ថិតក្រោមទណ្ឌកម្មពីអង្គការសហប្រជាជាតិ ជុំវិញបញ្ហាគ្រាប់មីស៊ីល និងកម្មវិធីនុយក្លេអ៊ែររបស់ពួកគេ។
សូមជម្រាបបន្ថែមថា ការចោទប្រកាន់របស់អាមេរិក ទៅលើកូរ៉េខាងជើង អាចធ្វើឲ្យសមាជិកអចិន្ត្រៃយ៍របស់ក្រុមប្រឹក្សាសន្តិសុខអង្គការសហប្រជាជាតិគឺ ចិន និងរុស្ស៊ី មានការខឹងសម្បារ ដ្បិតកូរ៉េខាងជើងគឺជាសម្ព័ន្ធមិត្តដ៏ជិតស្និទ្ធរបស់មហាអំណាចទាំង ២នេះ៕
