លោកឧកញ៉ាបណ្ឌិត គីម ហ៊ាង អគ្គនាយក បុរី វិមានសំណាង និងជាប្រធានស្ថាបនិក KW Cambodia នៅថ្ងៃទី១១ ខែសីហា ឆ្នាំ២០២៣ នេះ បានបង្ហាញឱ្យដឹងលម្អិតអំពីអ្វីជា KW Cambodia ហើយមកទល់បច្ចុប្បន្ន មានសាខា ចំនួនប៉ុន្មាននៅតាមបណ្តារាជធានី-ខេត្ត។
លោកឧកញ៉ាបណ្ឌិត សូមបង្ហាញពី ៤ចំណុច ដូចខាងក្រោម៖
១. KW Cambodia គឺជាយីហោ នៃក្រុមហ៊ុនអចលនទ្រព្យអាមេរិក ដែលមានសាខា និងអនុសាខា នៅ ៥២ប្រទេស ៥ទ្វីប និងមានសមាជិកជិត ២០០ ០០០នាក់នៅទូទាំងពិភពលោក។
២. KW Cambodia មានសាខា និងអនុសាខានៅរាជធានីភ្នំពេញ ខេត្តបាត់ដំបង សៀមរាប កំពង់ចាម និងត្រៀមបើកនៅកំពង់សោម (ក្រុងព្រះសីហនុ) ក្នុងពេលឆាប់ៗនេះ។
៣. KW Cambodia ត្រៀមទទួលឱ្យភ្នាក់ងារលក់ចូលថ្មី ព្រមទាំងអ្នកចង់បើកសាខា និងអនុសាខា តាមខេត្ត ២០ទៀត។
៤. ចូលរួមជាមួយ KW Cambodia មានន័យថា អ្នកចូលរួមសកម្មភាពពាណិជ្ជកម្មផ្នែកអចលនទ្រព្យ រវាងអាមេរិកនិងកម្ពុជា ហើយអ្នកត្រូវទៅអាមេរិក ១ ឬ ២ដងប្រចាំឆ្នាំ។
សូមទាក់ទងលេខ 011 96 2000 (ភាសាខ្មែរ) និងលេខ 015 96 2000 (ភាសាអង់គ្លេស) នៅថ្ងៃនេះ។
សូមជម្រាបជូនថា KW Cambodia គឺជាអាជីវកម្មមួយ ដែលលោកឧកញ៉ា គីម ហ៊ាង បានចុះហត្ថលេខាផ្តាច់មុខ រយៈពេល២០ឆ្នាំ បូក២០ឆ្នាំ ស្មើនឹង៤០ឆ្នាំ ហើយលោកបាននាំយកក្រុមហ៊ុនរបស់អាមេរិកមួយនេះ មកកម្ពុជា តាំងពីឆ្នាំ២០១៨។ KW Cambodia មកពីពាក្យពេញ Keller Williams Cambodia ដែលក្រុមហ៊ុនអាមេរិក Keller Williams Realty International បង្កើតឡើងដំបូង កាលឆ្នាំ១៩៨៣ ជាក្រុមហ៊ុនអចលនទ្រព្យ ប៉ុន្តែក្រោយមក ក្រុមហ៊ុននេះបានកែប្រែពីក្រុមហ៊ុនអចលនទ្រព្យ ទៅជាក្រុមហ៊ុនបច្ចេកវិទ្យាផ្នែកអចលនទ្រព្យវិញ៕
