មហាសេដ្ឋី Mackenzie Scott អតីតភរិយាស្ថាបនិកក្រុមហ៊ុនខ្នាតយក្ស Amazon គឺមហាសេដ្ឋី Jeff Bezos ត្រូវបានគេរាយការណ៍ថា ត្រឹមរយៈពេល ៧ខែដំបូងនៃឆ្នាំ ២០២៣នេះ ទ្រព្យសម្បត្តិរបស់លោកស្រី មានការកើនឡើងរហូតដល់ ១១,៣ពាន់លានដុល្លារ។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
បើតាមការចុះផ្សាយពីសារព័ត៌មាន Bloomberg បានបង្ហាញថា ប្រាក់ចំណូលរបស់មហាសេដ្ឋីវ័យ ៥៣ឆ្នាំ មានការកើនឡើង ៥៩% ខណៈកត្តាដែលជម្រុញខ្លាំងបំផុតគឺ តម្លៃហ៊ុនរបស់ក្រុមហ៊ុន Amazon មានការស្ទុះងើបខ្លាំង។
សូមជម្រាបដែរថា បច្ចុប្បន្នទ្រព្យសម្បត្តិរបស់មហាសេដ្ឋីស្រីរូបនេះ មានប្រមាណ ៣៧,៧ពាន់លានដុល្លារ ជាប់ចំណាត់ថ្នាក់លេខ៥ ជាមហាសេដ្ឋីស្រីមានបំផុតលើលោក។
ទន្ទឹមនឹងនោះ លោកស្រីក៏ជាមហាសេដ្ឋីចិត្តបុណ្យម្នាក់ផងដែរ ដោយកន្លងមកតែងតែធ្វើកម្មវិធីសប្បុរសធម៌នានា ដូចជាជួយផ្គត់ផ្គង់ការរៀនសូត្រដល់កុមារក្រខ្សត់ជាដើម៕
