អ្នកឧកញ៉ា សួរ វីរៈ អគ្គនាយកក្រុមហ៊ុន វិរៈប៊ុនថាំ អេចប្រេស នៅព្រឹកថ្ងៃទី១៥ ខែកញ្ញានេះ បានប្រកាសផ្តល់រង្វាន់ជាច្រើន ដល់អ្នកដែលអាចឆ្លើយបានត្រឹមត្រូវ លើសំណួររបស់លោក។
អ្នកឧកញ៉ា បានលើកឡើងជាសំណួរលើទំព័រហ្វេសប៊ុកថា បើសិនអ្នកជាម្ចាស់អាជីវកម្ម តើអ្នកនឹងជ្រើសយកជំរើសណា ដើម្បីភាពជោគជ័យអាជីវកម្មរយ:ពេលយូរអង្វែង?
A-បុគ្គលដែលមានចំណេះដឹង និងបទពិសោធន៍៖ អាចជាបុគ្គលមិនមានឆន្ទៈលះបង់ខ្ពស់ និងអាចនឹងមិនបន្តការងារយូរអង្វែងជាមួយអ្នក តែក៏អាចជាបុគ្គលជួយពង្រឹងការងាររបស់អ្នកបានល្អ។
B-បុគ្គលដែលមានភាពស្មោះត្រង់៖ ទាមទារឱ្យអ្នកហ្វឹកហាត់ បង្ហាត់បង្រៀន តែជាបុគ្គលដែលមានការលះបង់ខ្ពស់ ស្មោះត្រង់ជាមួយការងារ និងបន្តការងារយូរអង្វែងជាមួយអ្នក។
ចម្លើយដែលត្រឹមត្រូវនឹងទទួលបានរង្វាន់៖ 300$, 200$, 100$, ការស្នាក់នៅរីស៊ត VET មួយបន្ទប់(១យប់) ឬសំបុត្រធ្វើដំណើរ ៣សំបុត្រ របស់ក្រុមហ៊ុនវីរ:ប៊ុនថាំ និង VET Airbus Express។
អ្នកឧកញ៉ា សួរ វីរៈ នឹងបកស្រាយតាមរយ:បទពិសោធន៏នូវចម្លើយដែលត្រឹមត្រូវ មុននឹងចាប់រង្វាន់ខាងលើ។ ចំពោះរីស៊តស្នាក់នៅ អាចជ្រើសរើសស្នាក់នៅរីស៊តណាមួយដូចជា៖ Camping Park Resort Kirrirom, Romduol Resort Kirrirom, Koh Sdach Resort, Akpijun Resort, Sara Resort, Eden Beach Resort, Tube Resort, Sandy Beach Resort, Bodega Beach Resort, Apex Koh Kong Hotel ឬ Pidoma Resort នៅមណ្ឌលគិរី៕
