មហាសេដ្ឋី Zhong Shanshan ដែលមានរហស្សនាមថាជាស្ដេចទឹកបរិសុទ្ធប្រចាំប្រទេសចិន នៅតែគ្រងតំណែងជាអ្នកមានដាច់គេប្រចាំប្រទេស ជាមួយទំហំទ្រព្យសម្បត្តិច្រើនលើសលប់ ប្រមាណ ៦១,៣ពាន់លានដុល្លារ។ នេះបើតាមរបាយការណ៍ពីទស្សនាវដ្ដី Forbes។
ជាមួយគ្នានោះ មេធំក្រុមហ៊ុន ByteDance ដែលជាក្រុមហ៊ុនមេ TikTok ក៏នៅតែជាស្ដេចត្រាញ់ទី២ ប្រចាំប្រទេសចិន ដែលមានទ្រព្យសម្បត្តិនឹងថ្កល់ប្រហែល ៣៩,១ពាន់លានដុល្លារ ស្របពេលសហស្ថាបនិកក្រុមហ៊ុន Alibaba ក៏រក្សាបាននូវតំណែង Top 10 ក្នុងបញ្ជីឈ្មោះមហាសេដ្ឋីមានបំផុតប្រចាំប្រទេសចិនផងដែរ។
ខាងក្រោមនេះគឺជាបញ្ជីឈ្មោះមហាសេដ្ឋីមានបំផុតប្រចាំប្រទេសចិន គិតត្រឹមថ្ងៃទី២៧ ខែកញ្ញា ឆ្នាំ២០២៣ ផ្អែកតាមទិន្នន័យផ្ដល់ឲ្យដោយ Forbes៖
១/លោក Zhong Shanshan មានទ្រព្យសរុប ៦១,៣ពាន់លានដុល្លារ បានមកពីមុខជំនួញលក់ទឹកសុទ្ធ និងភេសជ្ជៈ
២/លោក Zhang Yiming មានទ្រព្យសរុប ៣៩,១ពាន់លានដុល្លារ បានមកពីក្រុមហ៊ុន Tik-Tok
៣/លោក Ma Huateng មានទ្រព្យសរុប ៣៣,៥ពាន់លានដុល្លារ បានមកពីមុខជំនួញបង្កើតបណ្តាញផ្សព្វផ្សាយលើអ៊ីនថឺណិត
៤/លោក Colin Zheng Huang មានទ្រព្យសរុប ៣៣,១ពាន់លានដុល្លារ បានមកពីពាណិជ្ជកម្ម E-Commerce
៥/លោក William Lei Ding មានទ្រព្យសរុប ៣១,៨ពាន់លានដុល្លារ បានមកពីការបង្កើតល្បែងលើអ៊ីនថឺណិត
៦/លោក Jack Ma មានទ្រព្យសរុប ២៤,៩ពាន់លានដុល្លារ បានពីពាណិជ្ជកម្ម E-Commerce
៧/លោក He Xiangjian មានទ្រព្យសរុប ២២,៧ពាន់លានដុល្លារ បានមកពីការលក់ផលិតផលប្រើប្រាស់ក្នុងផ្ទះ
៨/លោក Wang Chuanfu មានទ្រព្យសរុប ១៧,៥ពាន់លានដុល្លារ បានមកពីការផលិតអាគុយ និងរថយន្
៩/លោក Qin Yinglin មានទ្រព្យសរុប ១៥,៥ពាន់លានដុល្លារ បានមកពីការបង្កាត់ជ្រូក
១០/លោក Wang Wei មានទ្រព្យ ១៤,៧ពាន់លានដុល្លារ បានមកពីក្រុមហ៊ុនវេចខ្ចប់និងដឹកជញ្ជូន
សូមជម្រាបដែរថា បញ្ជីឈ្មោះមហាសេដ្ឋីមានបំផុតនៅចិន ១០រូបខាងលើ មិនបានរាប់បញ្ចូលមហាសេដ្ឋីហុងកុង ម៉ាកាវ និងកោះតៃវ៉ាន់ឡើយ៕
