ការវិនិយោគនៅក្នុងវិស័យថាមពលនៃប្រទេសចិន អាចនឹងមានច្រើនជាង ១០០ទ្រីលានយ៉ន់ ឬប្រមាណ ១៣,៧ទ្រីលានដុល្លារ ពីឆ្នាំ២០២០ ដល់ឆ្នាំ២០៦០។ នេះបើតាមការចុះផ្សាយពីទីភ្នាក់ងារសារព័ត៌មាន Xinhua។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
ពេលវេលានៃការបណ្ដាក់ទុនដ៏សំបើមនេះ គឺស្របទៅនឹងការសន្យារបស់ប្រធានាធិបតី ស៊ី ជិនពីង ដែលបានអះអាងថា ចិននឹងលុបចោលនូវការបំភាយឧស្ម័នផ្ទះកញ្ចក់ និងកាបូនឌីអុកស៊ីត ត្រឹមឆ្នាំ២០៦០។
គួររំលឹកដែរថា កាលពីឆ្នាំ២០២២ ក្រុមហ៊ុនថាមពលធំៗនៅចិនបានធ្វើការវិនិយោគសរុប នៅក្នុងវិស័យមួយនេះប្រមាណ ១,២៥ទ្រីលានយ៉ន់ ដោយក្នុងនោះការបណ្ដាក់ទុននៅក្នុងវិស័យផលិតថាមពលសូឡា កើនឡើង២៣២,៧% ប្រមាណ ២៨៦,៦ពាន់លានយ៉ន់។
ជាមួយគ្នានោះ ទីភ្នាក់ងាររៀបចំផែនការរដ្ឋចិនក៏បង្ហើបដែរថា ចិនមានបំណងទាញយកថាមពលពីប្រភពថាមពលកកើតឡើងវិញ ប្រមាណ ៣៣% មកប្រើប្រាស់នៅក្នុងឆ្នាំ២០២៥ ដើម្បីកាត់បន្ថយការបំភាយឧស្ម័នកាបូនឌីអុកស៊ីត៕
