ស្ថាបនិកក្រុមហ៊ុន Amazon និងមហាសេដ្ឋីអាមេរិក Jeff Bezos បាននិយាយកាលពីថ្ងៃទី០២ ខែវិច្ឆិកាថា លោកមានបំណងរើលំនៅឋាន ពីទីក្រុង Seattle ទៅកាន់ទីក្រុង Miami ដែលនៅជិតផ្ទះឪពុកម្ដាយ និងនៅក្បែរក្រុមហ៊ុន Blue Origin ផង។ នេះបើតាមការចុះផ្សាយពីសារព័ត៌មាន CNA។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
“ខ្ញុំមានការរំភើបចិត្ត ហើយវាជាការសម្រេចចិត្តដ៏ត្រឹមត្រូវបំផុតរបស់ខ្ញុំ។ Seattle អ្នកតែងតែដក់នៅក្នុងចិត្តរបស់ខ្ញុំជានិច្ច”។ នេះបើតាមការបង្ហោះសារលើបណ្ដាញសង្គម Instagram របស់មហាសេដ្ឋីអាមេរិក។
គួររំលឹកដែរថា Amazon មានដើមកំណើតនៅទីក្រុង Seattle ផ្ដើមចេញពីការបង្កើតវេបសាយនៅក្នុងហ្គារ៉ាសទុករថយន្តតូចមួយ កាលពីឆ្នាំ១៩៩៤ ហើយរហូតមកដល់សព្វថ្ងៃនេះ Amazon បានក្លាយជាក្រុមហ៊ុនលំដាប់កំពូលមួយនៅលើពិភពលោក៕
