រដ្ឋអាជ្ញាអាមេរិក បានប្រកាសរឹបអូសទំនិញក្លែងក្លាយដ៏ធំបំផុតមិនធ្លាប់មាន នៅក្នុងប្រវត្តិសាស្រ្តសហរដ្ឋអាមេរិក ដែលមានតម្លៃជាង ១ពាន់លានដុល្លារអាមេរិក ពីឃ្លាំងផ្ទុកទំនិញមួយនៅសង្កាត់ Manhattan ក្នុងទីក្រុងញូវយ៉ក។ នេះបើតាមការចុះផ្សាយពីសារព័ត៌មាន Reuters។
លោក Adama Sow អាយុ ៣៨ ឆ្នាំ និង Abdulai Jalloh អាយុ ៤៨ ឆ្នាំ ត្រូវបានចាប់ខ្លួនភ្លាមៗ នៅក្នុងការឆបោកអស់រយៈពេល ៩ ខែ នៅពេលដែលពួកគេត្រូវបានចោទប្រកាន់ថា បានស្តុកទុកទំនិញក្លែងក្លាយរាប់រយរាប់ពាន់ ដែលក្នុងនោះរួមមានកាបូប សំលៀកបំពាក់ ស្បែកជើង និងទំនិញមានតម្លៃថ្លៃផ្សេងទៀត។
នៅក្នុងសេចក្តីថ្លែងការណ៍មួយ ស្នងការប៉ូលីសទីក្រុងញូវយ៉ក លោក Edward Caban បាននិយាយថា ៖ “ការជួញដូរទំនិញក្លែងក្លាយ គឺជាឧក្រិដ្ឋកម្មដែលគ្មានអ្នករបួស ព្រោះវាធ្វើឱ្យប៉ះពាល់ដល់អាជីវកម្មស្របច្បាប់ ក៏ដូចជារដ្ឋាភិបាល និងអ្នកប្រើប្រាស់ជាច្រើន”។
ជម្រាបជូនផងដែរថា កាលពីឆ្នាំមុន ប៉ូលិសទីក្រុងញូវយ៉ក ក៏បានរឹបអូសបានទំនិញក្លែងក្លាយមានតម្លៃប្រមាណ ១០លានដុល្លារ ដែលត្រូវបានគេលក់នៅក្នុងតំបន់ Chinatown ផងដែរ ហើយចំពោះអ្នកដែលពាក់ព័ន្ធទៅនឹងបទល្មើសនេះ នឹងត្រូវជាប់ពន្ធនាគាររហូតដល់ ១០ ឆ្នាំ៕
