លោកឧកញ៉ា សុខ ពិសិដ្ឋ អនុប្រធានសភាពាណិជ្ជកម្មកម្ពុជា គឺជាអគ្គនាយកក្រុមហ៊ុន ជីហ្គៀ គ្រុប (Ggear Group) ដែលមកដល់បច្ចុប្បន្នក្រុមហ៊ុនរបស់លោក បានពង្រីកសាខាតាមបណ្តារាជធានី ខេត្ត ជិត២០ទីតាំងហើយ គិតត្រឹមចុងឆ្នាំ២០២៣នេះ។
ក្រុមហ៊ុនជីហ្គៀគ្រុប ជាដៃគូផ្ដាច់មុខនៃជណ្ដើរយន្ត Hyundai Elevator ប្រព័ន្ធចំណតរថយន្ត AJ ហើយក៏ជាអ្នកផ្គត់ផ្គង់ធំបំផុតនូវផលិតផលអេឡិចត្រូនិច LG នៅប្រទេសកម្ពុជា ដែលបានបង្កើតឡើងនៅក្នុងឆ្នាំ ២០១១។ ក្រុមហ៊ុនផ្ដល់ជូននូវឧបករណ៍អេឡិចត្រូនិចគ្រប់សណ្ឋានចាប់តាំងពី ឧបករណ៍កម្សាន្ត និងឧបករណ៍ប្រើប្រាស់នៅក្នុងផ្ទះ ដូចជាម៉ាស៊ីនត្រជាក់គ្រប់ប្រភេទជាដើម។ បច្ចុប្បន្នក្រុមហ៊ុនមាន ១៩ សាខានៅក្នុងប្រទេសកម្ពុជាដូចជា៖ ១.សាខាព្រះមុនីវង្ស (ការិយាល័យកណ្តាល) ២.សាខាសែនសុខ ៣.ផ្សារដើមគោរ ៤.ស្ទឹងមានជ័យ ៥.ទួលគោក ៦.ទួលទំពូង ៧.ក្រុងតាខ្មៅ ៨.ខេត្តសៀមរាប ៩.ខេត្តបាត់ដំបង ១០.ខេត្តកំពង់ចាម ១១.ក្រុងព្រះសីហនុ ១២.ខេត្តកំពត ១៣.ខេត្តកំពង់ធំ ១៤.ខេត្តកំពង់ស្ពឺ ១៥.ខេត្តតាកែវ ១៦.ខេត្តស្ទឹងត្រែង ១៧.ខេត្តស្វាយរៀង និង ១៨.ក្រុងសួង និង ១៩.ក្រុងសែនមនោរម្យ ខេត្តមណ្ឌលគិរី (ភូមិ អេឡិចត្រូនិច)។
ជីហ្គៀ គ្រុប ជាក្រុមហ៊ុនដែលចាប់ផ្តើមអាជីវម្មជាមួយបុគ្គលិកដែលជាយុវជនប្រមាណជាង ២០នាក់ ហើយបានដាក់ទិសដៅរួមគ្នាធ្វើយ៉ាងណាជំរុញឱ្យទីផ្សារអេឡិចត្រូនិចនៅកម្ពុជាមានភាពរីកចម្រើន ទន្ទឹមនឹងគ្នានេះ ក្រុមហ៊ុនក៏បានផ្តោតសំខាន់លើការបណ្តុះធនធានឱ្យក្លាយជាអ្នកដឹកនាំដ៏មានប្រសិទ្ធភាព។ បច្ចុប្បន្ននេះ ក្រុមហ៊ុន ជីហ្គៀ គ្រុប មានបុគ្គលិកជាង ៨០០ នាក់។
លោកឧកញ៉ា សុខ ពិសិដ្ឋ ធ្លាប់បានបញ្ជាក់ថា ក្រុមហ៊ុន ជីហ្គៀ គ្រុប បានបង្កើតឡើងជាង ១០ឆ្នាំ ហើយរាល់ការរៀបចំរចនាសម្ព័ន្ធការងារ ការវិនិយោគទៅលើហេដ្ឋារចនាសម្ព័ន្ធទាំងជំនាញទន់ និងជំនាញរឹងទាំងឡាយ ដូចជាការបណ្ដុះបណ្ដាលធនធានមនុស្ស ការរៀបចំ សាខាក្រុមហ៊ុនទាំងខេត្ត ក្រុងទាំងអស់ រួមទាំងការបំពេញកាតព្វកិច្ចច្បាប់ឱ្យបានពេញលេញ គឺសម្រាប់ត្រៀមការវិនិយោគរយៈពេលវែង និងផ្ដល់ឱកាសអោយយុវជនជំនាន់ក្រោយអាចបញ្ចេញស្នាដៃរបស់ពួកគេដោយមោទនភាព និងភាពជឿជាក់៕
