ក្រុមហ៊ុន Vietnam Railways ដែលគ្រប់គ្រងដោយរដ្ឋាភិបាលវៀតណម បានរាយការណ៍ពីប្រាក់ចំណេញលើកដំបូងរបស់ខ្លួន ដល់ចំនួន ៩៤,៨ពាន់លានដុង (៣,៨៩លានដុល្លារអាមេរិក) នៅក្នុងឆ្នាំ២០២៣ បន្ទាប់ពីរងការខាតបង់អស់រយៈពេល ៣ឆ្នាំ។ នេះបើតាមការចុះផ្សាយពីសារព័ត៌មាន VN Express។
ប្រាក់ចំណូលសរុបរបស់ក្រុមហ៊ុន Vietnam Railways បានឡើងដល់ ៨,៥ទី្រលានដុង ជាមួយនឹងការដឹកជញ្ជូនអ្នកដំណើរសរុបចំនួន ៦,១ លាននាក់កាលពីឆ្នាំមុន ពោលគឺកើនឡើង ៣៥% បើធៀបទៅនឹងកាលពីឆ្នាំ២០២២ ។
ជុំវិញការកើនឡើងប្រាក់ចំណូលនេះ ត្រូវបានគេសន្មតថា បានមកពីផែនការបញ្ចុះតម្លៃចំពោះការធ្វើដំណើរ ក៏ដូចជាការផ្តល់ជូនផ្សេងៗទៀត រួមទាំងការកែលម្អគុណភាពនៃសេវាកម្ម និងទេសចរណ៍តាមផ្លូវរថភ្លើង ផងដែរ។
ប៉ុន្តែទន្ទឹមនឹងនេះ ចំពោះការដឹកជញ្ជូនទំនិញវិញ បានធ្លាក់ចុះ ១៩% មកនៅត្រឹមចំនួន ៤,៦ លានតោនប៉ុណ្ណោះ ក្នុងឆ្នាំ ២០២៣ ។
យ៉ាងណាក៏ដោយ ក្រុមហ៊ុនគ្រប់គ្រងផ្លូវដែកវៀតណាមមួយនេះ ចាត់ទុកថាឆ្នាំ២០២៤ នេះ អាចជាឆ្នាំដ៏លំបាកមួយ ដោយសារតែមានការប្រកួតប្រជែងខ្ពស់ពីសេវាកម្មដឹកជញ្ជូនតាមផ្លូវអាកាស និងផ្លូវថ្នល់៕
