ក្រុមហ៊ុនអាកាសចរណ៍អូស្ត្រាលី Qantas បានយល់ព្រមបង់លុយផាកពិន័យចំនួន ៦៦លានដុល្លារ កាលពីថ្ងៃចន្ទ ទី៦ ខែឧសភាកន្លងទៅ ដើម្បីដោះស្រាយបញ្ចប់រឿងអាស្រូវពាក់ព័ន្ធជាមួយនឹងការលក់សំបុត្រជើងហោះហើរក្លែងក្លាយ ពោលគឺជាសំបុត្រជើងហោះហើរដែលត្រូវបានលុបចោលជាយូរមកហើយ។ នេះបើតាមការចុះផ្សាយពីសារព័ត៌មាន CNA។
ក្រុមហ៊ុនអាកាចរណ៍ Qantas បានសារភាពថាខ្លួន បានបោកប្រាស់អតិថិជន ជាមួយនឹងការផ្សព្វផ្សាយលក់សំបុត្រជើងហោះហើររាប់សិបពាន់ បើទោះបីជាជើងហោះហើរទាំងនោះ ត្រូវបានលុបចោលហើយក៏ដោយ។
ជុំវិញករណីនេះ ក្រុមហ៊ុន Qantas ក៏នឹងផ្តល់សំណងចំនួន ១៣ពាន់លានដុល្លារផ្សេងទៀត ដល់អ្នកដំណើរចំនួន ៨៦ ០០០ នាក់ ដែលរងផលប៉ះពាល់ដោយសារតែការលុបចោល និងការកំណត់កាលវិភាគហោះហើរឡើងវិញ ផងដែរ។
ទន្ទឹមនឹងនេះ លោកស្រី Gina Cass-Gottlieb ប្រធានគណៈកម្មការប្រកួតប្រជែងដោយយុត្តិធម៌របស់អូស្ត្រាលីបាននិយាយថា ទង្វើរបស់ក្រុមហ៊ុន Qantas គឺធ្ងន់ធ្ងរខ្លាំងណាស់ និងមិនបានទទួលយកបានឡើយ ព្រោះវាបានធ្វើឲ្យប៉ះពាល់ដល់អតិថិជនជាច្រើនដែលខកខានការធ្វើដំណើរវិស្សមកាល អាជីវកម្ម និងការធ្វើដំណើរធម្មតា ជាដើម៕
