ប្រធានក្រុមហ៊ុន Tesla មហាសេដ្ឋី Elon Musk បានក្លាយជាកំពូលអ្នកមានដាច់គេលើលោកវិញ បន្ទាប់ពីរបូតតំណែងមួយនេះអស់រយៈពេលជាច្រើនខែ ពោលគឺបានផ្ដួលមហាសេដ្ឋីបារាំង Bernard Arnault តែម្ដង។
យោងតាមការចុះផ្សាយពីគេហទំព័រ Forbes បានបង្ហាញថា ទ្រព្យសម្បត្តិរបស់មហាសេដ្ឋីអាមេរិក មានកំណើនខ្លាំង ដោយសារតែក្រុមហ៊ុន xAI របស់លោក បានប្រកាសពីផែនការថ្មីៗ ទទួលបានការវិនិយោគច្រើនក្រាស់ក្រែល។
ខាងក្រោមនេះ គឺជាបញ្ជីឈ្មោះមហាសេដ្ឋីមានបំផុតលើលោកទាំង ១០រូប គិតត្រឹមថ្ងៃទី០១ ខែមិថុនា ឆ្នាំ២០២៤ ផ្អែកតាមរបាយការណ៍ពីគេហទំព័រ Forbes៖
1.Elon Musk ប្រធានក្រុមហ៊ុន Tesla មានទ្រព្យសម្បត្តិសរុបប្រមាណ ២០៨ពាន់លានដុល្លារ
2.Bernard Arnault ប្រធានក្រុមហ៊ុន LVMH មានទ្រព្យសម្បត្តិសរុបប្រមាណ ២០១,៦ពាន់លានដុល្លារ
3.Jeff Bezos ស្ថាបនិកក្រុមហ៊ុន Amazon មានទ្រព្យសម្បត្តិសរុបប្រមាណ ១៩២,៩ពាន់លានដុល្លារ
4.Mark Zuckerberg ស្ថាបនិកក្រុមហ៊ុន Meta Platforms មានទ្រព្យសម្បត្តិប្រមាណ ១៥៩,៨ពាន់លានដុល្លារ
5.Larry Ellison ស្ថាបនិកក្រុមហ៊ុន Oracle មានទ្រព្យសម្បត្តិសរុបប្រមាណ ១៤៣,៣ពាន់លានដុល្លារ
6.Larry Page សហស្ថាបនិកក្រុមហ៊ុន Google មានទ្រព្យសម្បត្តិប្រមាណ ១៤០,៨ពាន់លានដុល្លារ
7.Warren Buffett ស្ថាបនិកក្រុមហ៊ុន Berkshire Hathaway មានទ្រព្យសម្បត្តិសរុបប្រមាណ ១៣៥,១ពាន់លានដុល្លារ
8.Sergey Brin សហស្ថាបនិកក្រុមហ៊ុន Google មានទ្រព្យសម្បត្តិប្រមាណ ១៣៤,៩ពាន់លានដុល្លារ
9.Bill Gates សហស្ថាបនិកក្រុមហ៊ុន Microsoft មានទ្រព្យសម្បត្តិសរុបប្រមាណ ១២៧,៨ពាន់លានដុល្លារ
10.Steve Ballmer អតីត CEO ក្រុមហ៊ុន Microsoft មានទ្រព្យសម្បត្តិប្រមាណ ១២០,៩ពាន់លានដុល្លារ៕
