ស្ដេចអង់គ្លេស ចាយលុយជាង ៦លានដុល្លារ ទិញខុនដូមួយកន្លែងក្នុងតំបន់អ្នកមាននៅអាមេរិក

ស្ដេចអង់គ្លេស King Charles បានចាយលុយប្រហែល ៦,៦លានដុល្លារ ទិញខុនដូមួយកន្លែង នៅតំបន់អភិជន ក្នុងសង្កាត់ Manhattan នៃសហរដ្ឋអាមេរិក។ នេះបើតាមការចុះផ្សាយពីសារព័ត៌មាន Sky News។

ខុនដូរបស់ព្រះមហាក្សត្រអង់គ្លេស គឺមានទីតាំងនៅលើផ្លូវ 111 W. 57^th St ក្នុងអគារ Steinway Hall ជាន់ទី១១ និមានបន្ទប់គេងចំនួន ៣ បន្ទប់ទឹក ៤ ខណៈកិច្ចកុងត្រាមួយនេះត្រូវបានដឹងថា បានបញ្ចប់ការទិញលក់កាលពីខែមិថុនា។

គួររំលឹកបន្តិចថា អគារSteinway Hall គឺមានបន្ទប់ខុនដូសរុបចំនយន ៦០បន្ទប់ ដែលបច្ចុប្បន្នបានលក់ចេញ ១៤បន្ទប់ហើយ និងសុទ្ធតែជាកម្មសិទ្ធរបស់កំពូលសេដ្ឋីៗ។

សូមជម្រាបដែរថា ស្ដេចអង់គ្លេស King Charles III គឺជាព្រះមហាក្សត្រ ដែលមានទ្រព្យសម្បត្តិច្រើនបំផុតមួយអង្គលើលោក ហើយបច្ចុប្បន្នទ្រង់ក៏មានអចលនទ្រព្យជាច្រើនកន្លែង សរុបជាសាច់ប្រាក់រាប់រយលានដុល្លារផងដែរ៕