អនុប្រធានាធិបតីអាមេរិក អ្នកស្រី Kamala Harris រៃអង្គាសប្រាក់បានប្រហែល ២០០លានដុល្លារ ត្រឹមរយៈពេលមួយសប្ដាហ៍ប៉ុណ្ណោះ សម្រាប់យុទ្ធនាការឃោសនារកសន្លឹកឆ្នោត ក្នុងការបោះឆ្នោតប្រធានាធិបតី ដែលគ្រោងធ្វើឡើងនៅខែវិច្ឆិកាខាងមុខ។
យោងតាមការចុះផ្សាយពីសារព័ត៌មាន CNA បានបង្ហាញថា ចាប់តាំងពីអ្នកស្រីបានក្លាយជាបេក្ខភាពប្រធានាធិបតី សម្រាប់គណបក្សប្រជាធិបតេយ្យ អនុប្រធានាធិបតីស្រីរូបនេះ បានគៀងគរអ្នកគាំទ្រថ្មីៗរហូតដល់ ១៧០ ០០០នាក់បន្ថែមទៀត។
ទន្ទឹមនឹងនោះ គណបក្សប្រជាធិបតេយ្យក៏បានបន្ថែមទៀត ទំហំទឹកប្រាក់ ២០០លានដុល្លារ ដែលទទួលបានក្នុងយុទ្ធនាការឃោសនារកសន្លឹកឆ្នោតនោះ គឺមានប្រហែល ៦៦% ដែលជាការឧបត្ថម្ភពីអ្នកគាំទ្រថ្មីៗ របស់លោកស្រី Harris។
សូមជម្រាបដែរថា ចាប់តាំងពីលោកស្រី Kamala Harris ប្រកាសឈរឈ្មោះជាបេក្ខភាពប្រជែង តំណែងប្រធានាធិបតីអាមេរិក តំណាងឲ្យគណបក្សប្រជាធិបតេយ្យ សន្ទុះអ្នកគាំទ្រមានការងើបឡើងជាខ្លាំង ជាពិសេសគឺសម្បូរអ្នកគាំទ្រដែលមានជាយុវវ័យតែម្ដង៕
