កូនប្រុសអ្នកឧកញ៉ា សួរ វីរៈ អគ្គនាយកក្រុមហ៊ុន វិរៈប៊ុនថាំ អេចប្រេស ឈ្មោះ «វីរៈ ច័ន្ទគ្រីស្នា» កាលពីថ្ងៃទី៩ ខែសីហា ឆ្នាំ២០២៤ បានបើករថយន្តស្ព័រស៊េរីទំនើបមួយគ្រឿង ម៉ាក Aston Martin ដើម្បីទៅជួបលោក Maximillion Cooper ស្ថាបនិក និងជានាយកប្រតិបត្តិនៃក្រុមហ៊ុន Gumball 3000 ដែលបានអញ្ជើញមកដល់ប្រទេសកម្ពុជា។
ក្នុងវីដេអូបទសម្ភាសន៍ខ្លីមួយនៅមុខផ្សារទំនើប ជីប ម៉ុង ២៧១ មេហ្គា ម៉ល យុវជនដែលជាកូនរបស់អ្នកឧកញ៉ាម្ចាស់ក្រុមហ៊ុនដឹកជញ្ជូនឈានមុខគេមួយនៅកម្ពុជារូបនេះ បានឱ្យដឹងថា ខ្លួនជាកូនប្រុសរបស់ម្ចាស់ក្រុមហ៊ុន វិរៈប៊ុនថាំ អេចប្រេស ហើយលោកមកកាន់ផ្សារទំនើប ជីប ម៉ុង ២៧១ មេហ្គា ម៉ល គឺដើម្បីជួបស្ថាបនិក Gumball 3000 ដែលផ្តោតលើការរៀបចំព្រឹត្តិការណ៍រថយន្តម៉ាកល្បីៗ និងមានតម្លៃថ្លៃៗ។ ជាមួយគ្នានេះ អ្នកឧកញ៉ា សួរ វីរៈ ក៏បានចែករំលែកវីដេអូរបស់កូនពីបណ្តាញសង្គម TikTok ផងដែរ ដោយភ្ជាប់ជាមួយសារខ្លីថា៖ “រៀនចូលរួមការងារសង្គមបណ្តើរៗ”។
លោក Maximiliion Cooper បានធ្វើដំណើរមកកាន់ប្រទេសកម្ពុជាដោយផ្ទាល់ ហើយក៏សង្កេតឃើញមានវត្តមាន ឧកញ៉ា លាង ពៅ (ភីធើរ) អគ្គនាយក ពហុពាណិជ្ជកម្ម ក្រុមហ៊ុន ជីប ម៉ុង ទៅទទួលស្វាគមន៍ដោយផ្ទាល់ដល់អាកាសយានដ្ឋាន អមជាមួយនឹងកំពូលរថយន្តSupercar ជាច្រើនគ្រឿងផងដែរ កាលពីថ្ងៃទី៨ ខែសីហា ឆ្នាំ២០២៤។
គួបញ្ជាក់ថា ព្រឹត្តិការណ៍ Gumball 3000 នឹងរៀបចំនៅប្រទេសកម្ពុជារយៈពេល ៣ថ្ងៃ គឺពីថ្ងៃទី១៥ ដល់ថ្ងៃទី១៧ ខែកញ្ញា ឆ្នាំ២០២៤ ដោយក្រសួងទេសចរណ៍ ទទួលបានការអនុញ្ញាតជាគោលការណ៍ពីរដ្ឋាភិបាលកម្ពុជា សហការជាមួយក្រុមហ៊ុន ជីប ម៉ុង តែមួយគត់ក្នុងការរៀបចំព្រឹត្តិការណ៍នេះ។ ការរៀបចំព្រឹត្តិការណ៍ “Gumball 3000 Rally in Cambodia” នឹងចូលរួមចំណែកលើកកម្ពស់វិស័យទេសចរណ៍របស់កម្ពុជា ជាពិសេសទេសចរណ៍ទៅក្នុងខេត្តសៀមរាប៕
@chipmong271megamall ជួបគ្នាជាថ្មីម្តងទៀតក្នុងកម្មវិធីសន្និសិទសារព័ត៌មាន និង Car Meet របស់កម្មវិធី GUMBALL 3000 x CHIP MONG in Cambodia ដែលនឹងរៀបចំឡើងនៅថ្ងៃទី 10 ខែសីហា 2024 ពីម៉ោង 2ថ្ងៃ តទៅ នៅផ្សារទំនើប ជីប ម៉ុង 271 មេហ្គា ម៉ល។ 🔥 តស់!!! អ្នកស្រឡាញ់ឡានស្ព័រ ទំនើប ឡូយៗ ដឹងតែអេមទៀតហើយ កុំភ្លេចមកចូលរួមទាំងអស់គ្នាណា៎ ‼️ #ChipMong271MegaMall #Gumball3000 #ChipMong #fyp #viral #viralvideo #viraltiktok #foryou #foryoupage
♬ original sound – Chip Mong 271 Mega Mall
