ស្ថាបនិកក្រុមហ៊ុន Oracle មហាសេដ្ឋីអាមេរិក Larry Ellison បានក្លាយជាកំពូលមហាសេដ្ឋីមានបំផុតលើលោកទី០២ ក្រោយទ្រព្យសម្បត្តិរបស់លោក មានកំណើនច្រើនជាង ៨ពាន់លានដុល្លារត្រឹមរយៈពេលមួយថ្ងៃ។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
យោងតាមការចុះផ្សាយពីសារព័ត៌មាន Forbes បានបង្ហាញថា ទ្រព្យសម្បត្តិរបស់លោក Larry កើនឡើងខ្លាំង បន្ទាប់ពីតម្លៃភាគហ៊ុនក្រុមហ៊ុន Oracle កើនលើស ៥% និងបានធ្វើឲ្យមហាសេដ្ឋីម្នាក់នេះ មានទ្រព្យសម្បត្តិសរុប ២០៦ពាន់លានដុល្លារ។
បច្ចុប្បន្ន លោក Larry Ellison កំពុងកាន់តំណែងជាមហាសេដ្ឋីមានបំផុតលើលោកទី២ បន្ទាប់ពីមេធំ Tesla មហាសេដ្ឋី Elon Musk ដែលមានទ្រព្យសម្បត្តិប្រហែល ២៥១ពាន់លានដុល្លារ ស្របពេលមេធំ Amazon កំពូលអ្នកមាន Jeff Bezos មានទ្រព្យសម្បត្តិប្រមាណ ២០៣ពាន់លានដុល្លារ៕
