ភ្នំពេញ ៖ យោងតាមរបាយការណ៍របស់ក្រេឌីតប្យូរ៉ូ ខេមបូឌា ( CBC ) បានបង្ហាញថា គិតត្រឹមដើមខែកក្កដា ២០២៤ ចំនួនគណនីឥណទានមានលក្ខណៈបុគ្គលនៅទូទាំងប្រទេសកើនឡើងដល់ចំនួនជាង ១,៩២លានគណនី ដោយក្នុងនោះចំនួនគណនីនៃកម្ចីអចលនទ្រព្យមានប្រមាណ ១០,៥៩ភាគរយ ដែលមានចំនួនតិចតួច ។
របាយការណ៍ដដែលបានបង្ហាញផងដែរពីសមតុល្យឥណទានលក្ខណៈបុគ្គលសម្រាប់ប្រើប្រាស់ផ្ទាល់ខ្លួនមានចំនួនរហូតដល់ ១៥,៣១ពាន់លានដុល្លារអាមេរិក ។
របាយការណ៍ដដែលនេះបានអោយដឹងទៀតថាសម្រាប់ទំហំកម្ចីក្នុងវិស័យអចលនទ្រព្យមានទំហំរហូតដល់ជាងកណ្ដាលនៃសមតុល្យឥណទានមានលក្ខណៈសម្រាប់ប្រើប្រាស់ផ្ទាល់ខ្លួន ដោយមានទំហំរហូតដល់ ៥២,៩២ភាគរយ ។
លោកអឿ សុធារ័ត្ន ប្រធាននាយកប្រតិបត្តិនៃក្រុមហ៊ុន ក្រេឌីតប្យូរ៉ូ ខេមបូឌា បានមានប្រសាសន៍ថា តម្រូវការពាក្យស្នើសុំឥណទានបុគ្គលសម្រាប់ប្រើប្រាស់ផ្ទាល់ខ្លួនមានការថយចុះ ប៉ុន្តែសមិទ្ធផលឥណទានលក្ខណៈបុគ្គលសម្រាប់ប្រើប្រាស់ផ្ទាល់ខ្លួននៅតែវិជ្ជមាន ៕
