សិស្សនិទ្ទេស A ជាង២០០០នាក់ នឹងទទួលបានការធ្វើដំណើរជាមួយក្រុមហ៊ុន វីរៈ ប៊ុនថាំ ទាំងក្នុងនិងក្រៅប្រទេស ដោយឥតគិតថ្លៃពេញ១ឆ្នាំ

កាដូពិសេសសម្រាប់សិស្សដែលប្រឡងជាប់និទ្ទេស A នៅទូទាំងប្រទេស ជាង២០០០នាក់ នឹងទទួលបានការធ្វើដំណើរដោយឥតគិតថ្លៃរយៈពេលពេញមួយឆ្នាំទាំងក្នុងនិងក្រៅប្រទេស ជាមួយនឹងក្រុមហ៊ុន វីរៈ ប៊ុនថាំ របស់អ្នកឧកញ៉ា សួរ វីរៈ។

ភ្លាមៗបន្ទាប់ពីក្រសួងអប់រំ យុវជន និងកីឡាប្រកាសអំពីលទ្ធផលប្រឡងបាក់ឌុបឆ្នាំ២០២៤ អ្នកឧកញ៉ា សួរ វីរៈ ក៏បានប្រកាសជាថ្មីម្ដងទៀត ជូនដំណឹងដល់ប្អូនៗទាំងអស់ ដែលទើបតែប្រឡងជាប់និទ្ទេសA ក្រុមហ៊ុន វីរៈ ប៊ុនថាំ នឹងផ្ដល់ជូនការធ្វើដំណើរដោយឥតគិតថ្លៃរយៈពេលពេញមួយឆ្នាំ សម្រាប់ការធ្វើដំណើរនៅទូទាំងប្រទេស បូករួមជាមួយនឹងប្រទេសថៃ ប្រទេសវៀតណាម និងប្រទេសឡាវផងដែរ។

តាមការបញ្ជាក់ឱ្យដឹងពីអ្នកឧកញ៉ា សួរ វីរៈ ដើម្បីទទួលបានសេវាកម្មធ្វើដំណើរដោយឥតគិតថ្លៃនេះ ប្អូនៗត្រូវបំពេញលក្ខខណ្ឌចំនួន២គឺ៖

១,​ចុចចូលលីងខាងក្រោម ដើម្បីបំពេញព័ត៌មាន

https://l.facebook.com/l.php?u=https%3A%2F%2Fforms.gle%2F7DYR89hzeQ4WmVi8A%3Ffbclid%3DIwZXh0bgNhZW0CMTAAAR0ZM_5u2_yj6pGgBzZ8ob9F-PWlOosSThUxDloqj8qH0pRTOeVlILw47t0_aem_411tfRnzNbvNHvZynR12iQ&h=AT2oqO_jtdEHlNyMFWbgMg5Pv8eV-NEqWOduUTAx7QOJ-2kULMdIA_BSbSwZ260BFE8wrbqpRYB2wIBPwExTG4UceM1PGJ6G-fq-dbIIx7YBrRB6F9SG1bF2csZ2rKe0PgIU&tn=-UK-R&c[0]=AT3NzGRS7Z6CS8WwEzYKO1fardc0SMoigSnNIcVyvjUxFVhjS4XTWBskuEdzxyIBXoWoQOgwr1yfqbyIKWraPBNDicPJfsln63pPZMMP0DlkDEMLZLJHHeVnAIg4bO8SWQv6t2YIkzXWf8ld_-2f5vpWdwTSbmu61smRp7uvbVGisx8gVdoH4FQHmBiiBFAmgQ

២, សូមភ្ជាប់មកជាមួយសាលាកបត្រ និងលំដាប់ពិន្ទុមកជាមួយ។

គូសបញ្ជាក់ផងដែរថា ការប្រឡងបាក់ឌុប ឆ្នាំ២០២៤នេះ មានបេក្ខជនប្រឡងជាប់សរុប ១០៦ ៣៥១ នាក់ ត្រូវជា ៧៩.០០ ភាគរយនៃចំនួន បេក្ខជនមកប្រឡង។ បេក្ខជនជាប់និទ្ទេស A ចំនួន ២ ២១៦ នាក់, និទ្ទេស B ចំនួន ៩ ៧០១ នាក់, និទ្ទេស C ចំនួន ២២ ៦៧៥ នាក់, និទ្ទេស D ចំនួន ៣៦ ៦៨៣ នាក់, និងនិទ្ទេស E ចំនួន ៣៥ ០៧៦ នាក់។

សូមជម្រាបជូនថា ក្រុមហ៊ុន វិរៈ ប៊ុនថាំ អេចប្រេស គឺជាក្រុមហ៊ុនខ្មែរ ដែលឈានមុខគេតែមួយគត់ក្នុងប្រទេសកម្ពុជា សម្រាប់សេវាកម្មដឹកអ្នកដំណើរ និងសេវាកម្មបញ្ញើទំនិញ ទៅដល់គ្រប់កន្លែងទាំងអស់ មិនថាតំបន់ដាច់ស្រយាលនោះទេ៕