អតីតប្រធានាធិបតី លោក ដូណាល់ ត្រាំ បានយកឈ្នះអនុប្រធានាធិបតី លោកស្រី Kamala Harris ក្នុងជ័យជម្នះដ៏គួរឲ្យភ្ញាក់ផ្អើលមួយ ដោយផ្តល់ឲ្យរូបលោកក្នុងការកាន់តំណែងសម្រាប់អាណត្តិទីពីរ នៅក្នុងសេតវិមាន បន្ទាប់ពីទទួលបានសម្លេងឆ្នោតគាំទ្រច្រើនលើសលប់។ នេះបើតាមការចុះផ្សាយពីសារព័ត៌មាន Fox News។
លោក ត្រាំ បានបង្កើតប្រវត្តិសាស្ត្រជាមួយនឹងការត្រលប់ចូលផ្នែកនយោបាយវិញ ដោយក្លាយជាប្រធានាធិបតីដំបូងគេចាប់តាំងពីអតីតប្រធានាធិបតីលោក Grover Cleveland ក្នុងទសវត្សរ៍ឆ្នាំ១៨០០ បានត្រលប់មកកាន់តំណែងវិញបន្ទាប់ពីការបរាជ័យរំលងមួយអាណត្តិ។ Fox News ចាត់ទុកការណ៍នេះ ជារឿងកម្រដែលបង្ហាញពីឥទ្ធិពលរបស់លោក Donald Trump នៅក្នុងនយោបាយអាម៉េរិក។
គួរឲ្យដឹងថា លោក ត្រាំ ត្រូវបានជាប់ឆ្នោតជាប្រធានាធិបតីអាមេរិកលើកដំបូងក្នុងឆ្នាំ២០១៦ ដោយបានផ្តួលអតីតរដ្ឋមន្ត្រីការបរទេស លោកស្រី Hillary Clinton ។ ហើយសម្រាប់អាណត្តិបន្ទាប់ លោកបានចាញ់ការបោះឆ្នោតឡើងវិញ ក្រោមប្រធានាធិបតី លោក ចូ បៃដិន នៅក្នុងឆ្នាំ២០២០ ក្នុងអំឡុងពេលរីករាលឡើងនៃជំងឺរាតត្បាតកូវីដ-១៩។
ប៉ុន្តែយ៉ាងណាក៏ដោយ លោក ត្រាំ ដណ្តើមយកតំណែងនៅក្នុងសេតវិមានមកវិញ នៅក្នុងឆ្នាំ២០២៤ នេះ បន្ទាប់ពីការធ្វើយុទ្ធនាការជិតពីរឆ្នាំ ដោយប្តេជ្ញាថានឹងធ្វើឲ្យអាមេរិកអស្ចារ្យជាថ្មីម្តងទៀត។
ជម្រាបជូនផងដែរថា គិតត្រឹមម៉ោងនេះ លោក ដូណាល់ ត្រាំ ទទួលបានអង្គបោះឆ្នោតសរុប ២៧៧ សម្លេង ខណ:ចំនួនដែលត្រូវឈ្នះ ២៧០ សម្លេង ដើម្បីគ្រប់គ្រងក្លាយជាប្រធានាធិបតីអាមេរិកទី៤៧ ស្របពេលលោកស្រី Harris ទទួលបានអង្គបោះឆ្នោតត្រឹម ២៦៦ សម្លេងប៉ុណ្ណោះ៕
