ក្រោមការដឹកនាំប្រកបដោយចក្ខុវិស័យរបស់ លោកឧកញ៉ា ឈាង សុវណ្ណរតនៈ ក្រុមហ៊ុន RTNK Group Co., Ltd. បានបង្កើតនូវព្រឹត្តិការណ៍ប្រកួតបាល់ទាត់ដណ្តើមពានរង្វាន់ អ ធី អិន ខេ ឆ្នាំ២០២៥ ឡើងក្នុងគោលបំណងចូលរួមចំណែកជាមួយរាជរដ្ឋាភិបាល ក្នុងការលើកស្ទួយវិស័យបាល់ទាត់នៅប្រទេសកម្ពុជា។
ទន្ទឹមនេះ ព្រឹត្តិការណ៍នេះត្រូវបានរៀបចំឡើង ដើម្បីបង្កើតជាវេទិកាកីឡាថ្មីមួយបន្ថែមទៀតដល់យុវជនកម្ពុជាដែលមកពីបណ្តាអង្គភាព ឬស្ថាប័នផ្សេងៗគ្នា មានមុខងារ វិជ្ជាជីវៈខុសៗគ្នា មានឱកាសក្នុងការជួបជុំគ្នា បង្កើត និងរឹតចំណងមិត្តភាព បង្កើនកិច្ចសហប្រតិបត្តិការ និងបណ្ដុះស្មារតីរួបរួមសាមគ្គី។
ក្នុងនោះផងដែរ កម្មវិធីបើកជាផ្លូវការព្រឹត្តិការណ៍ប្រកួតបាល់ទាត់ដណ្តើមពានរង្វាន់ អ ធី អិន ខេ ឆ្នាំ២០២៥ នឹងប្រព្រឹត្តទៅនៅថ្ងៃទី៣០ ខែវិច្ឆិកា ឆ្នាំ២០២៤ ចាប់ពីម៉ោង ៣រសៀល ដល់ម៉ោង ៨ល្ងាច នៅក្លឹបកីឡា ផ្លាទីនីម ជ្រោយចង្វារ ក្រោមអធិបតីភាពលោកឧកញ៉ា ឈាង សុវណ្ណរតនៈ អមដោយការសម្តែងគុនល្បុក្កតោ ការប្រកួតមិត្តភាពរវាងក្រុម អ ធី អិន ខេ និងក្រុមផាន់រ៉ុង និងការសម្តែងចម្រៀងពីក្រុមក្មេងខ្មែរ។
ការប្រកួតនឹងចាប់ផ្តើមឡើងនៅថ្ងៃទី៣០ ខែវិច្ឆិកា ឆ្នាំ២០២៤ រហូតដល់ថ្ងៃ០៥ ខែមករា ឆ្នាំ២០២៥ ដោយការកំណត់យករាល់ថ្ងៃសៅរ និងថ្ងៃអាទិត្យ ចាប់ពីម៉ោង ៤រសៀល ដល់ម៉ោង ៦ល្ងាច នៅក្លឹបកីឡា ផ្លាទីនីម ជ្រោយចង្វារ។ ក្រុមជ័យលាភីនឹងទទួលបាននូវពានរង្វាន់ និងប្រាក់រង្វាន់ជាច្រើន ដែលសរុបជាទឹកប្រាក់រហូតទៅដល់ ២០ លានរៀល។
ជាមួយគ្នានេះផងដែរ RTNK Group Co., Ltd. សូមស្វាគមន៍យ៉ាងកក់ក្តៅចំពោះអ្នកស្នេហាវិស័យកីឡាបាល់ទាត់ទាំងអស់ក្នុងការចូលរួមចុះឈ្មោះជាកីឡាករ និងបណ្តាក្រុមហ៊ុន ដៃគូរសហការទាំងអស់ក្នុងការចួលរួមឧបត្ថម្ភក្នុងព្រឹត្តិការណ៍ប្រកួតបាល់ទាត់ដណ្តើមពានរង្វាន់ អ ធី អិន ខេ ឆ្នាំ២០២៥។
សម្រាប់ព័ត៌មានលម្អិតអំពីការចុះឈ្មោះចូលរួមប្រកួត ឬការចូលរួមសហការឧបត្ថម្ភ សូមទំនាក់ទំនងតាមលេខទូរស័ព្ទ៖ 078 26 6666 / 096 626 6666 / 014 98 98 98 ៕
