ក្រោយចែកផ្លូវជាមួយភរិយាចំនួន ៤នាក់រួចមក មហាសេដ្ឋីមានបំផុតទីបួនលើលោក រកឃើញភរិយាថ្មី អាយុក្មេងជាងខ្លួនដល់ទៅ ៤៧ឆ្នាំ

លោក Larry Ellison ដែលជាសហស្ថាបនិកនៃក្រុមហ៊ុន Oracle Corporation ត្រូវបានគេដឹងថា លោកកំពុងមានទំនាក់ទំនងនឹងស្ត្រីម្នាក់ទៀត ខណៈព័ត៌មានមួយនេះត្រូវបានបែកធ្លាយ ក្រោយមន្ត្រីបាល់អោបម្នាក់ បានថ្លែងអំណរគុណដល់បុរសវ័យ ៨០ឆ្នាំលោក Ellison ជាមហាសេដ្ឋីលំដាប់ទី៤ របស់ពិភពលោកនោះ បានប្រមាញ់ទិញយកក្រុមបាល់អោប Bryce Underwood មកពីសាកលវិទ្យាល័យ Louisiana State និងថ្លែងអំណរគុណដល់ភរិយាលោក Ellison ដែលជាស្ត្រីមានវ័យត្រឹម ៣៣ឆ្នាំឈ្មោះ Jolin បានជួយជ្រោមជ្រែងរឿងនេះ។

កាន់តែច្បាស់ជាងនោះ គឺនៅពេលដែលលោក Nate Forbes ប្រធានក្រុម Champions Circle ដែលជាក្រុមគាំទ្រនិស្សិតក្នុងសាលា Michigan បាននិយាយថា៖ ខ្ញុំសូមថ្លែងអំណរគុណដោយផ្ទាល់ដល់លោក Larry និងភរិយារបស់លោកឈ្មោះ Jolin ដែលបានចូលរួមចំណែកក្នុងការធ្វើឲ្យរឿងនេះកើតឡើងបាន។

ទោះបីលោក Ellison មិនបានបញ្ជាក់ជាសាធារណៈថា គាត់បានរៀបការជាលើកទី៥ ក៏ដោយ ប៉ុន្តែលោកស្រី Jolin ដែលជាអតីតនិស្សិតនៃសាកលវិទ្យាល័យ Michigan រូបនេះ ត្រូវបានមន្ត្រីក្រុមបាល់បោះដឹងច្បាស់ ដ្បិតការសម្រេចចិត្តរបស់លោកស្រី មានឥទ្ធិពលដូចគ្នាទៅនឹងការសម្រេចចិត្តរបស់លោក Ellison ។

សូមជម្រាបថា លោក Ellison ធ្លាប់បានរៀបការជាមួយលោកស្រី Adda Quinn នៅក្នុងឆ្នាំ១៩៦៧ ហើយបានលែងលះគ្នាវិញនៅឆ្នាំ១៩៧៤ និងបានរៀបការជាមួយលោកស្រី Nancy Wheeler Jenkins ក្នុងឆ្នាំ១៩៧៧ ហើយលែងលះគ្នានៅឆ្នាំ១៩៧៨ ។ បន្ទាប់មក លោក Ellison បានរៀបការ និងមានកូនពីរនាក់ជាមួយ Barbara Boothe ពីឆ្នាំ១៩៨៣ ដល់ឆ្នាំ១៩៨៦ មុនពេលរៀបការជាមួយអ្នកនិពន្ធប្រលោមលោកបែបស្នេហាលោកស្រី Melanie Craft ក្នុងឆ្នាំ២០០៣ ហើយលែងលះគ្នាទៀតនៅឆ្នាំ២០១០ ៕