ត្រឹមមួយសប្តាហ៍ មហាសេដ្ឋីមានដាច់គេលើលោករបូតទ្រព្យសម្បត្តិអស់ជិត ១០ពាន់លានដុល្លារ

ទ្រព្យសម្បត្តិរបស់មហាសេដ្ឋីមានដាច់គេលើពិភពលោក Elon Musk បានធ្លាក់ចុះអស់ជិត ១០ពាន់លានដុល្លារ គិតនៅត្រឹមថ្ងៃសៅរ៍សប្តាហ៍នេះ បន្ទាប់ពីស្ថាបនិករបស់ក្រុមហ៊ុនផលិតរថយន្តអគ្គិសនី Tesla រូបនេះ បានក្លាយជាបុគ្គលដំបូងគេ ក្នុងការឈានដល់ចំនួនទ្រព្យសម្បត្តិសរុបជាង ៤០០ពាន់លានដុល្លារ។

បើតាមការចុះផ្សាយពីសារព័ត៌មាន Forbes បានបង្ហាញឲ្យដឹងថា ទ្រព្យសម្បត្តិបច្ចុប្បន្នរបស់លោក Musk មានចំនួនសរុបប្រមាណ ៤៣០,៩ពាន់លានដុល្លារ ពោលគឺបានធ្លាក់ចុះពីចំនួនខ្ពស់បំផុតរបស់ខ្លួន ៤៣៩,៤ពាន់លានដុល្លារ កាលពីសប្តាហ៍មុន។

ខាងក្រោមនេះ គឺជាបញ្ជីឈ្មោះមហាសេដ្ឋីមានបំផុតលើលោកទាំង ១០រូប គិតត្រឹមថ្ងៃទី២១ ខែធ្នូ ដោយផ្នែកតាមទិន្នន័យទទួលបានពី Forbes៖

1.Elon Musk ប្រធានក្រុមហ៊ុន Tesla មានទ្រព្យសម្បត្តិសរុបប្រមាណ ៤៣០,៩ពាន់លានដុល្លារ

2.Jeff Bezos ស្ថាបនិកក្រុមហ៊ុន Amazon មានទ្រព្យសម្បត្តិប្រមាណ ២៣៨,៥ពាន់លានដុល្លារ

3.Larry Ellison ស្ថាបនិកក្រុមហ៊ុន Oracle មានទ្រព្យសម្បត្តិសរុបប្រមាណ ២១៣,៧ពាន់លានដុល្លារ

4.Mark Zuckerberg ស្ថាបនិកក្រុមហ៊ុន Meta Platforms មានទ្រព្យសម្បត្តិសរុបប្រមាណ ២០២,៤ពាន់លានដុល្លារ

5.Bernard Arnault ប្រធានក្រុមហ៊ុន LVMH មានទ្រព្យសម្បត្តិសរុបប្រមាណ ១៦៦,៩ពាន់លានដុល្លារ

6.Larry Page សហស្ថាបនិកក្រុមហ៊ុន Google មានទ្រព្យសម្បត្តិប្រមាណ ១៥៧,៨ពាន់លានដុល្លារ

7.Sergey Brin សហស្ថាបនិកក្រុមហ៊ុន Google មានទ្រព្យសម្បត្តិប្រមាណ ១៥០,៧ពាន់លានដុល្លារ

8.Warren Buffett ស្ថាបនិកក្រុមហ៊ុន Berkshire Hathaway មានទ្រព្យសម្បត្តិសរុបប្រមាណ ១៤២ពាន់លានដុល្លារ

9.Steve Ballmer អតីតនាយកប្រតិបត្តិក្រុមហ៊ុន Microsoft មានទ្រព្យសម្បត្តិប្រមាណ ១២៧,៧ពាន់លានដុល្លារ

10.Jensen Huang នាយកប្រតិបត្តិក្រុមហ៊ុន Nvidia មានទ្រព្យសម្បត្តិប្រមាណ ១១៧,៦ពាន់លានដុល្លារ៕