KIA SONET មានគោលបំណងក្លាយជាក្រុមហ៊ុនឈានមុខគេក្នុងការផ្តត់ផ្គង់រថយន្ដប្រភេទ SUV រួមនឹងការផ្លាស់ប្តូរបច្ចុប្បន្នភាពរថយន្តរបស់កម្ពុជា

ថ្ងៃទី 21 ខែធ្នូ ឆ្នាំ 2024 – Kia Cambodia មានមោទនភាពក្នុងការសម្ពោធរថយន្ត Kia sonnet ថ្មី ដែលជាប្រភេទ SUV ដែលរួមបញ្ចូលគ្នានូវសោភ័ណភាពសហសម័យ ជាមួយនឹងបច្ចេកវិទ្យាទំនើប ដើម្បីផ្តល់នូវបទពិសោធន៍នៃការបើកបរដែលមិនអាចប្រៀបផ្ទឹមបាន។ ការទន្ទឹងរងចាំត្រូវបានបញ្ចប់ ការសម្ពោធរថយន្ត KIA SONET ជាទំព័រថ្មីមួយសម្រាប់វិស័យឧស្សាហកម្មរថយន្តក្នុងប្រទេសកម្ពុជា។

សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

ដោយសារចំណូលចិត្តរបស់អ្នកប្រើប្រាស់ផ្លាស់ប្តូរឆ្ពោះទៅរករថយន្តប្រភេទ SUV ការផ្តល់ជូននៅស៊េរីចុងក្រោយបង្អស់របស់ Kia ក្នុងគោលបំណងក្លាយជាក្រុមហ៊ុននាំមុខក្នុងទីផ្សារដែលកំពុងមានការរីកចម្រើន។ស្របពេលជាមួយគ្នា រថយន្ដ Kia Sonet នឹងផ្តល់ជូនបទពិសោធន៍នៃការបើកបរ ប្រកបដោយគុណភាព ស្របតាមតម្រូវការទីផ្សារក្នុងស្រុក។

ក្នុងរយៈពេលប៉ុន្មានឆ្នាំចុងក្រោយនេះ តម្រូវការរថយន្តប្រភេទ SUV ខ្នាតតូចនៅក្នុងប្រទេសកម្ពុជាមានកើនឡើង គួរឲ្យកត់សម្គាល់ ដោយវាសាកសម និង ងាយស្រួលបើកបរក្នុង និងក្រៅក្រុង។ រថយន្ដ KIA SONET អាចបំពេញលក្ខខណ្ឌទាំងនេះបានយ៉ាងល្អ តាមរយះការរួមបញ្ចូលគ្នា នៃបច្ចេកវិទ្យា ប្រព័ន្ធសុវត្ថិភាព និងការរចនាបទបែបទំនើប។ ជាមួយតម្លៃដ៏សមរម្យនិងមានមុខងារពិសេសៗច្រើន រថយន្ដ Kia SONET បានបង្ហាញមុខជាសាធារៈដល់អតិថិជន ឬ សមាជិកគ្រួសារគ្រប់វ័យ។

ការចូលទៅក្នុងទីផ្សាររថយន្ត SUV ខ្នាតតូចរបស់ Kia ជាមួយនឹងម៉ូដែល SONET មិនគ្រាន់តែជាការចេញលក់រថយន្តថ្មីប៉ុណ្ណោះទេ វាបានបង្ហាញពីការប្តេជ្ញាចិត្តរបស់Kia Cambodia ក្នុងការរួមចំណែកដល់ការវិវត្តនៃឧស្សាហកម្មរថយន្តរបស់ប្រទេសកម្ពុជា។ តាមរយៈការផ្តល់ជូននូវរថយន្តប្រភេទ SUV ធុនតូច និងគុណភាពខ្ពស់ដែលមានតម្លៃសមរម្យ Kia Cambodia មានគោលបំណងលើកទឹកចិត្តអ្នកប្រើប្រាស់កាន់តែច្រើនឱ្យផ្លាស់ប្តូរពីប្រភេទ រថយន្ដ Sedan ទៅជា SUVs ដែលជានិន្នាការថ្មីសម្រាប់ទីផ្សារក្នុងស្រុក។ ជាងនេះទៅទៀតក្រុមហ៊ុន Kia Cambodia បានបណ្តាក់ទុនយ៉ាងច្រើន ក្នុងការផ្តល់នូវបទពិសោធន៍ និង កសាងទំនុកចិត្តរបស់អ្នកប្រើប្រាស់ KIAជាមួយនឹងការធានា ឬសេវាកម្មថែទាំដែលឲ្យទុកចិត្ត ក្នុងគោលដៅកសាងទំនុកចិត្តរវាងអតិថិជនសម្រាប់អនាគតវែងឆ្ងាយ។

ហេតុផលទាំង 5 របស់ Kia Sonet

ការរចនាទាន់សម័យ
Kia Sonet ជារថយន្តប្រភេទ SUV ដ៏អស្ចារ្យជាមួយនឹងខ្សែបន្ទាត់ដិតនិងប៉ាណាផ្នែកខាងមុខប្លែកដែលបង្ហាញពីរចនាបទទំនើប។ អំពូល LED ដ៏ភ្លឺចែងចាំងទៅនឹងរូបរាង Sport របស់រថយន្ដ Sonet ត្រូវបានរចនាឡើងដើម្បីទាក់ទាញការចាប់អារម្មណ៍គ្រប់ទីកន្លែងដែលទៅដល់។
ប្រណិតភាពផាសុខភាព
ផ្នែកខាងក្នុងរបស់រថយន្ដ Sonet សូមរីករាយជាមួយកាប៊ីនពិសេសដែលត្រូវបានរចនាឡើងដ៏ មានផាសុកភាព។ ជាមួយនឹងកន្លែងអង្គុយដ៏ប្រណិត កន្លែងដាក់ជើងធំទូលាយ ប្រព័ន្ធគ្រប់គ្រងមុខងារផ្សេងៗ បើកដំបូលអូតូ កៅអីត្រជាក់ខាងមុខ និងអំពូល LED Ambient Sound Lighting Sonet ធានាបាននូវការធ្វើដំណើរប្រកបដោយផាសុកភាព និងរីករាយសម្រាប់ទាំងអ្នកបើកបរ និងអ្នកដំណើរ។
សម្ថភាពខ្ពស់ជំនាន់ចុងក្រោយ
Kia Sonet ថ្មីត្រូវបានបំពាក់ដោយម៉ាស៊ីន 1.5L ផលិតកម្លាំងបាន 115PS ផ្តល់នូវបទពិសោធន៍ដល់ការបើកបរប្រកបដោយភាពស្វាហាប់និងឆ្លើយតបបានយ៉ាងឆាប់រហ័ស។ មិនថាធ្វើដំណើរតាមដងផ្លូវក្នុងទីក្រុងឬលើផ្លូវហាយវេ រថយន្ដ Sonet បើកបរដោយរលូន និងស៊ីប្រេងតិច។
ប្រព័ន្ធសុវត្ថិភាពកាន់តែប្រសើរ
សុវត្ថិភាពគឺជាអាទិភាពនៅក្នុង Kia Sonet ។ រថយន្តនេះត្រូវបានបំពាក់ដោយពោងសុវត្ថិភាពចំនួន 6, សញ្ញាជូនដំណឹងពេលឡានមានបញ្ហា (ESS), ប្រព័ន្ធជូនដំណឹងពេលចូលចំណត, ប្រព័ន្ធគ្រប់គ្រងគន្លងផ្លូវពេលបើកបរ (ESC), ប្រព័ន្ធគ្រប់គ្រងរថយន្ដឡើងចំណោត (HAC) និង ប្រព័ន្ធចាប់ហ្រ្វាំងអូតូក្រោយពេលរថយន្ដប៉ះទង្គិច(MCB)។ លក្ខណៈពិសេសទាំងនេះធានានូវការការពារដ៏ទូលំទូលាយ និងទំនុកចិត្តសម្រាប់រាល់ការធ្វើដំណើរ។
បច្ចេកវិទ្យាទំនើប
Kia Sonet សំបូរទៅដោយបច្ចេកវិទ្យាទំនើបមានអេក្រង់ Touchscreen 10.25” អាចភ្ជាប់ជាស្មាតហ្វូននិងមានប្រព័ន្ធសំឡេងល្អពិសេស។ជាដៃគូដ៏ល្អឥតខ្ចោះក្នុងការរក្សាឱ្យអ្នកមានទំនាក់ទំនងល្អព័ត៌មានការកម្សាន្តនៅគ្រប់ការធ្វើដំណើរ។
ការសម្រាចចិត្ដ
ឥឡូវនេះ Kia Sonet អាចធ្វើការកក់ទុកបានហើយ។ សូមអញ្ជើញមកកាន់ការតាំងបង្ហាញរបស់យើង ឬទាក់ទងមកកាន់អ្នកជំនាញ Kia របស់យើងសម្រាប់ព័ត៌មានលម្អិតនិងទទួលបានបទពិសោធន៍ល្អនៃរថយន្ដ Kia Sonet ថ្មីទាំងអស់។
អំពី Kia
Kia គឺជាម៉ាករថយន្តឈានមុខគេលើពិភពលោក ដែលល្បីល្បាញក្នុងការចែកចាយរថយន្តមានភាពទាន់សម័យ ភាពច្នៃប្រឌិត។ ការប្តេជ្ញាចិត្តដើម្បីភាពល្អឥតខ្ចោះនេះ ក្រុមហ៊ុន Kia បានបន្តកំណត់ស្តង់ដារថ្មីៗនៅក្នុងឧស្សាហកម្មរថយន្តជាមួយនឹងយានយន្តដែលបានបំពេញតម្រូវការអ្នកបើកបរអោយកាន់តែទំនើប។