មកស្គាល់ក្រុមហ៊ុនអាកាសចរណ៍កំពូលទាំង៥ ដែលល្បីខាងសុវត្ថិភាព និងសេវាកម្មល្អបំផុតលើពិភពលោក

ចាប់តាំងពីជំងឺរាតត្បាតមានភាពធូរស្រាលឡើងវិញ វិស័យអាកាសចរណ៍នាពេលបច្ចុប្បន្ន ហាក់មានសន្ទុះងើបឡើងវិញគួរឲ្យកត់សំគាល់ ដោយក្នុងនោះសារព័ត៌មាន VN Express បានចុះផ្សាយពីក្រុមហ៊ុនអាកាសចរណ៍ចំនួន៥ ដែលល្បីខាងសុវត្ថិភាព និងបម្រើសេវាកម្មល្អបំផុតនៅលើពិភពលោក ដោយផ្អែកលើការវាយតម្លៃពីស្ថាប័ន AirlineRatings ៖

1/ ក្រុមហ៊ុនអាកាសចរណ៍ Qatar Airways ជាក្រុមហ៊ុនដែលបានឈ្នះពានរង្វាន់ Airline Excellence Awards ពីអង្គភាព AirlineRating ហើយក៏ធ្លាប់បានឈ្នះពានរង្វាន់ប្រភេទនេះនៅឆ្នាំ២០២១ និងឆ្នាំ២០២២ ផងដែរ

2/ ក្រុមហ៊ុនអាកាសចរណ៍ Korean Air ដែលឈ្នះជើងឯក Cargo Airline of the year

3/ ក្រុមហ៊ុនអាកាសចរណ៍ Cathay Pacific Airways មានមូលដ្ឋាននៅទីក្រុងហុងកុង ដែលទទួលបានពានរង្វាន់ Excellence in Long-haul Travel Award

4/ ក្រុមហ៊ុន Air New Zealand ដែលទទួលបានពានរង្វាន់ Best Economy Class

5/ ក្រុមហ៊ុន Emirates ដែលមានមូលដ្ឋាននៅទីក្រុងឌុយបៃ ជាម្ចាស់ពានរង្វាន់ Best Premium Economy និង Best In-flight Entertainment ។

គួរបញ្ជាក់ដែរថា ការវាយតម្លៃរបស់ AirlineRatings ត្រូវបានវិនិច្ឆ័យដោយមនុស្សចំនួនប្រាំនាក់ ដែលមានបទពិសោធន៍ក្នុងឧស្សាហកម្មប្រភេទនេះជាង ១០០ឆ្នាំ។ ការវាយតម្លៃគឺផ្តោតលើកត្តាសុវត្ថិភាព និងសវនក​ម្មរបស់រដ្ឋាភិបាល ជាមួយនឹងលក្ខណៈវិនិច្ឆ័យចំនួន ១២ទៀតរួមមាន អាយុកាលយន្តហោះ ការវាយតម្លៃពីសំណាក់អ្នកដំណើរ ប្រាក់ចំណេញ ចំណាត់ថ្នាក់សុវត្ថិភាព ការវាយតម្លៃផលិតផល ការច្នៃប្រឌិត និងការបញ្ជាទិញយន្តហោះនៅពេលខាងមុខ៕