សហស្ថាបនិកក្រុមហ៊ុន Facebook មហាសេដ្ឋី Mark Zuckerberg គិតត្រឹមថ្ងៃសៅរ៍ ទី១១ ខែមករានេះ បានដណ្តើមយកតំណែងជាអ្នកមានដាច់គេបំផុតលើលោកទី០៣ ត្រលប់មកវិញបានសម្រេចហើយ បន្ទាប់ពីបានវ៉ាដាច់ស្ថាបនិកក្រុមហ៊ុន Oracle លោក Larry Ellison ដែលធ្លាក់ទៅកាន់ចំណាត់ថ្នាក់លេខ០៤ វិញ។
យោងតាមការចុះផ្សាយពីសារព័ត៌មាន Forbes បានបង្ហាញឲ្យដឹងថា ទ្រព្យសម្បត្តិរបស់លោក Mark បច្ចុប្បន្នកើនឡើងដល់ចំនួនសរុបប្រមាណ ២១២,៨ពាន់លានដុល្លារ ពោលគឺបានធ្វើឲ្យលោក តាមពីក្រោយតែស្ថាបនិកក្រុមហ៊ុន Tesla មហាសេដ្ឋី Elon Musk និងមេធំ Amazon លោក Jeff Bezos ប៉ុណ្ណោះ ក្នុងបញ្ជីឈ្មោះអ្នកមានដាច់គេលើលោក។
ខាងក្រោមនេះ គឺជាបញ្ជីឈ្មោះមហាសេដ្ឋីមានបំផុតលើលោកទាំង ១០រូប គិតត្រឹមថ្ងៃទី១១ ខែមករា ឆ្នាំ២០២៥ ដោយផ្នែកតាមទិន្នន័យទទួលបានពី Forbes៖
1.Elon Musk ប្រធានក្រុមហ៊ុន Tesla មានទ្រព្យសម្បត្តិសរុបប្រមាណ ៤១៦,១ពាន់លានដុល្លារ
2.Jeff Bezos ស្ថាបនិកក្រុមហ៊ុន Amazon មានទ្រព្យសម្បត្តិប្រមាណ ២៣៣,១ពាន់លានដុល្លារ
3.Mark Zuckerberg ស្ថាបនិកក្រុមហ៊ុន Meta Platforms មានទ្រព្យសម្បត្តិសរុបប្រមាណ ២១២,៨ពាន់លានដុល្លារ
4.Larry Ellison ស្ថាបនិកក្រុមហ៊ុន Oracle មានទ្រព្យសម្បត្តិសរុបប្រមាណ ១៩៦,៣ពាន់លានដុល្លារ
5.Bernard Arnault ប្រធានក្រុមហ៊ុន LVMH មានទ្រព្យសម្បត្តិសរុបប្រមាណ ១៦៩,៩ពាន់លានដុល្លារ
6.Larry Page សហស្ថាបនិកក្រុមហ៊ុន Google មានទ្រព្យសម្បត្តិប្រមាណ ១៥៨,១ពាន់លានដុល្លារ
7.Sergey Brin សហស្ថាបនិកក្រុមហ៊ុន Google មានទ្រព្យសម្បត្តិប្រមាណ ១៥១ពាន់លានដុល្លារ
8.Warren Buffett ស្ថាបនិកក្រុមហ៊ុន Berkshire Hathaway មានទ្រព្យសម្បត្តិសរុបប្រមាណ ១៣៨ពាន់លានដុល្លារ
9.Steve Ballmer អតីតនាយកប្រតិបត្តិក្រុមហ៊ុន Microsoft មានទ្រព្យសម្បត្តិប្រមាណ ១២៣,៨ពាន់លានដុល្លារ
10.Jensen Huang នាយកប្រតិបត្តិក្រុមហ៊ុន Nvidia មានទ្រព្យសម្បត្តិប្រមាណ ១១៨,៦ពាន់លានដុល្លារ៕
