ត្រឹមមួយសប្តាហ៍ អ្នកមានដាច់គេលើពិភពលោក បន្តកើនទ្រព្យសម្បត្តិជិត ១៨ពាន់លានដុល្លារ

ទ្រព្យសម្បត្តិរបស់ស្ថាបនិកក្រុមហ៊ុន Tesla និង SpaceX មហាសេដ្ឋី Elon Musk ត្រូវបានគេមើលឃើញថាបន្តកើនឡើងក្នុងចំនួនជិត ១៨ពាន់លានដុល្លារ បើធៀបទៅនឹងសប្តាហ៍មុន។

កាលពីសប្តាហ៍មុនទ្រព្យសម្បត្តិរបស់លោក Musk មានចំនួនសរុបប្រមាណ ៤១៦,១ពាន់លានដុល្លារ ប៉ុន្តែបើគិតត្រឹមថ្ងៃទី១៨ ខែមករានេះវិញ ទ្រព្យសម្បត្តិសរុបរបស់លោកបានកើនឡើងដល់ចំនួនប្រហែល ៤៣៣,៩ពាន់លានដុល្លារ។

ខាងក្រោមនេះ គឺជាបញ្ជីឈ្មោះមហាសេដ្ឋីមានបំផុតលើលោកទាំង ១០រូប គិតត្រឹមថ្ងៃទី១៨ ខែមករា ឆ្នាំ២០២៥ ដោយផ្នែកតាមទិន្នន័យទទួលបានពី Forbes៖

1.Elon Musk ប្រធានក្រុមហ៊ុន Tesla មានទ្រព្យសម្បត្តិសរុបប្រមាណ ៤៣៣,៩ពាន់លានដុល្លារ

2.Jeff Bezos ស្ថាបនិកក្រុមហ៊ុន Amazon មានទ្រព្យសម្បត្តិប្រមាណ ២៣៩,៤ពាន់លានដុល្លារ

3.Mark Zuckerberg ស្ថាបនិកក្រុមហ៊ុន Meta Platforms មានទ្រព្យសម្បត្តិសរុបប្រមាណ ២១១,៨ពាន់លានដុល្លារ

4.Larry Ellison ស្ថាបនិកក្រុមហ៊ុន Oracle មានទ្រព្យសម្បត្តិសរុបប្រមាណ ២០៤,៦ពាន់លានដុល្លារ

5.Bernard Arnault ប្រធានក្រុមហ៊ុន LVMH មានទ្រព្យសម្បត្តិសរុបប្រមាណ ១៨១,៣ពាន់លានដុល្លារ

6.Larry Page សហស្ថាបនិកក្រុមហ៊ុន Google មានទ្រព្យសម្បត្តិប្រមាណ ១៦១,៤ពាន់លានដុល្លារ

7.Sergey Brin សហស្ថាបនិកក្រុមហ៊ុន Google មានទ្រព្យសម្បត្តិប្រមាណ ១៥៤ពាន់លានដុល្លារ

8.Warren Buffett ស្ថាបនិកក្រុមហ៊ុន Berkshire Hathaway មានទ្រព្យសម្បត្តិសរុបប្រមាណ ១៤៦,២ពាន់លានដុល្លារ

9.Steve Ballmer អតីតនាយកប្រតិបត្តិក្រុមហ៊ុន Microsoft មានទ្រព្យសម្បត្តិប្រមាណ ១២៦ពាន់លានដុល្លារ

10.Jensen Huang នាយកប្រតិបត្តិក្រុមហ៊ុន Nvidia មានទ្រព្យសម្បត្តិប្រមាណ ១២០,២ពាន់លានដុល្លារ៕