ព្រះមហាក្សត្រ ត្រាស់បង្គាប់ផ្តល់គោរមងារ «ឧកញ៉ា» ជូនលោក ហុង ស៊ីថា

ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានប្រោសព្រះរាជទានត្រាស់បង្គាប់ផ្តល់គោរមងារ លោក ហុង ស៊ីថា ជា «ឧកញ៉ា» នៅថ្ងៃទី២២ ខែកុម្ភៈ ឆ្នាំ២០២៥ រួមជាមួយធុរជនចំនួន ៣រូបទៀត តាមសេចក្តីក្រាបបង្គំទូលថ្វាយរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា។

លោក ហុង ស៊ីថា ត្រូវបានគេស្គាល់ថាជាប្រធានសមាគមសហគ្រិនវ័យក្មេងកម្ពុជា សាខាខេត្តបាត់ដំបង ហើយលោកបានជាប់ឆ្នោតជាសមាជិកក្រុមប្រឹក្សាខេត្តបាត់ដំបង អាណត្តិទី៤ និងបានប្រកាសចូលកាន់តំណែងជាផ្លូវការ កាលព្រឹកថ្ងៃទី១០ ខែមិថុនា ឆ្នាំ២០២៤៕