ទោះបីជាកូវីដ១៩នៅតែបន្ត ក្រុមហ៊ុន ហ៊ួត ជា ក៏នៅតែ ពង្រីកវិសាលភាពរបស់ខ្លួនឥតឈប់ឈរ!

ស្ថានភាពកូវីដ១៩ មិនទាន់បញ្ចប់ផង ឥឡូវដើម្បីស្វាគមន៍ឆ្នាំថ្មី ក្រុមហ៊ុន ហ៊ួត ជា បានបន្តបើសាខាថ្មីមួយហើយ នៅស្រុកអង្គស្នូល ខេត្តកណ្តាល។

លោកឧញ៉ា ហ៊ួត ជា បានថ្លែងថា ថ្ងៃទី១៧ ខែមករា ឆ្នាំ២០២១ ទោះបីជាកូវិត១៩នៅតែបន្ត ក្រុមហ៊ុន ហ៊ួត ជា ក៏នៅតែ ពង្រីកវិសាលភាពរបស់ខ្លួន បើកសម្ភោធសាខាថ្មី ដែលជាសាខាទី៧៨ នៅស្រុកអង្គស្នួលខេត្តកណ្តាល ដែលមានលោក ជឹម ដា ជាម្ចាស់សាខា ក្រុមហ៊ុន ហ៊ួត ជា នៅស្រុកអង្គស្នួល។

រាល់ការជាវសម្ភារសំណង់ពីសាខាស្រុកអង្គស្នួលថ្មីនេះ និងមានការបញ្ចុះតម្លៃពី១០ % ទៅ៣០% រយៈពេល១ខែពេល ដោយគិតចាប់ពីថ្ងៃនេះតទៅ។ សូមជម្រាបថា ក្រុមហ៊ុន ហ៊ួត ជា ជាក្រុមហ៊ុននាំចូលគ្រឿងសំណង់ពីប្រទេស អេស្បាញ អ៊ីតាលី ចិន ថៃ ម៉ាឡេស៊ី និងប្រទេសផ្សេងៗជាច្រើនទៀត ដែលមានគុណភាពខ្ពស់ តម្លៃសមរម្យ និងមានការធានាត្រឹមត្រូវ៕