ក្រោយពីផ្ទុះស្ទប់បទជាមួយកំពូលតារាចម្រៀងព្រាប សុវត្ថិ ពេលនេះតន់ ចន្ទសីម៉ា បានងាកមកចាប់ដៃគូច្រៀងជាមួយ ខេម វិញម្ដងទៀតហើយ ដោយបទថ្មីមួយនេះមានចំណងជើងថា”ទឹកត្រីកោះកុង”ក្នុងMVបានបង្ហាញតំបន់ទេសចរណ៍ស្អាតៗជាច្រើន នៅក្នុងខេត្តកោះកុង។
ដូចប្រិយមិត្តធ្លាប់បានដឹងហើយថា ខេត្ត កោះកុង គឺជាខេត្តមួយ ពោរពេញទៅដោយតំបន់ទេសចរណ៍ធម្មជាតិស្អាតៗជាច្រើន។ជាមួយនិងការសម្រុកផលិតអាប៊ុមចូលឆ្នាំថ្មីនេះផលិតកម្មGalaxy Navatra ត្រូវបានគេមើលឃើញថា គ្រប់M Vនៃបទចម្រៀងបានឲ្យក្រុមផលិតចុះទៅថតនៅ តំបន់ទេសចរណ៍ជាច្រើន ក្នុងន័យដើម្បីផ្សារភ្ជាប់ជាមួយរមណីយដ្ឋាននានានៅព្រះរាជាណាចក្រកម្ពុជា ជំរុញកំណើនទេសចរណ៍ក្នុងស្រុកឲ្យកាន់តែទទួលបានការគាំទ្រច្រើន ជាស្ដែងដូចជាបទ”ទឹកត្រីកោះកុង” របស់ ខេម និង តន់ ចន្ទសីម៉ា អីចឹង។
សូមបញ្ជាក់ផងដែរថា កន្លងមក គ្រាប់ពេជ្ររបស់ផលិតកម្ម Galaxy Navatraទាំងពីររូបនេះធ្លាប់បានច្រៀងជាមួយគ្នាជាច្រើនបទមកហើយហើយ ក្នុងនោះដែរពួកគេបានបំបែកឯកត្តកម្មជាប្រវត្តិសាស្ត្រលើបទ”ចង់សុំwifi”ដែលមានអ្នកទស្សនាជិត ៣០លានដង។ មហាជនរំពឹងថា ពួកច្បាស់ជានឹងប្រវត្តិសាស្ត្រជាមួយគ្នាលើបទចម្រៀង ដែលទើបតែផលិតថ្មីៗជាមួយគ្នាទៀតជាក់ជាមុខខាន។
ចង់ដឹងថាបទថ្មី”ទឹកត្រីកោះកុង” របស់ ខេម តន់ ចន្ទសីម៉ា មានអត្ថន័យ ព្រមទាំងមាន ទេសភាពស្រស់ស្អាតកម្រិតណាសូមទស្សនាទាំងអស់គ្នា៖
