ឧកញ៉ា អ៊ុល ចំណាន ប្រកា​ស​បរិច្ចាកថវិកា ២ ម៉ឺនដុល្លារ ចូលរួម​ទប់ស្កាត់ជំងឺកូវីដ ១៩

នៅថ្ងៃទី១៤ ខែមីនា ឆ្នាំ២០២១នេះ ឧកញ៉ា អ៊ុល ចំណាន និងលោកជំទាវ ម៉ៅ ថារី បានបរិច្ចាគថវិកា ២ម៉ឺនដុល្លារ ជូនសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ដើម្បីចូលរួមសកម្មភាពទប់ស្កាត់ការរីករាលដាលជំងឺកូវីដ១៩ ក្នុងព្រឹត្តិការណ៍២០កុម្ភៈ។

លោក ឧកញ៉ា អ៊ុល ចំណាន ជា​ស្ថាបនិក​គ្រឹះស្ថាន សិរីឧត្តម មីក្រូហិរញ្ញវត្ថុ ភីអិលស៊ីត្រូវបានព្រះករុណាព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ត្រាស់បង្កាប់ផ្តល់គោរមងារជា “ឧកញ៉ា” នៅថ្ងៃ ២៣ ខែវិច្ឆិកា ឆ្នាំ ២០១៩ យោងតាមសេចក្តីក្រាបបង្គំទូលថ្វាយរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ៕