ព្រះភិក្ខុ ឌួង ឆាយ ជាសង្ឃដំបូងគេបង្អស់ប្រកាសចូលរួមឧបត្ថម្ភជាមួយរាជរដ្ឋាភិបាលដើម្បីទិញមន្ទីរ “នគរទេព”

អតីតឧកញ៉ា ព្រះភិក្ខុ ឌួង ឆាយ ប្រកាសបរិច្ចាគនូវបច្ច័យចំនួន ១ម៉ឺនដុល្លារ ជូនដល់សម្តេចតេជោ ហ៊ុន សែន ដើម្បីចូលរួមទិញមន្ទីរ “នគរទេព” ហើយនឹងត្រូវប្តូរជាមន្ទីរពេទ្យ “ហ្លួងម៉ែ” វិញ។ ការចូលរួមបរិច្ចាគនេះអាចចាត់ថាជាសង្ឃដំបូងគេបង្គស់ ដែលធ្វើឡើងបន្ទាប់ពីសម្តេចតេជោ ហ៊ុន សែន ប្រកាសទិញមន្ទីរ «នគរទេព» មកធ្វើជាសម្បត្តិរដ្ឋ និងបម្រើការព្យាបាលអ្នកជំងឺកូវីដ១៩។

ព្រះភិក្ខុ ឌួង ឆាយ ក៏សូមប្រគេននូវសេចក្តីល្អដែលកើតចេញពីសទ្ធាដ៏ជ្រះថ្លានាពេលនេះ និងពេលកន្លងមកសូមប្រគេនទូលថ្វាយដល់ព្រះថេរានុត្ថេរៈគ្រប់ព្រះអង្គ សម្តេច ទ្រង់ ឯកឧត្តម លោកជំទាវ ញោមប្រុស ញោមស្រី គ្រប់ៗគ្នា។ ព្រះអង្គថា សូមបានចាកផុតនូវឧបទ្រពចង្រៃទាំងឡាយទាំងពួង សូមប្រកបតែសេចក្តីសុខ សេចក្តីចម្រើនគ្រប់ៗគ្នា។

គិតមកដល់ពេលនេះថវិកាបានពីសប្បុរសជនចូលរួមទិញមន្ទីរពេទ្យរាបលានដុល្លារសហរដ្ឋអាមេរិក៕