អ្នកឧកញ៉ា ទ្រី ភាព និងលោកជំទាវឧកញ៉ា គៀន ស្រីនាង បានឧបត្ថម្ភថវិកា ចំនួន ២០,០០០ ដុល្លារ ដល់សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) ដើម្បីផ្តល់លទ្ធភាពឱ្យសមាគមផ្តល់សេវាពិនិត្យ និងព្យាបាលប្រជាពលរដ្ឋដោយឥត គិតថ្លៃនៅក្នុងបេសកកម្មមនុស្សធម៌របស់សមាគមនៅទូទាំងប្រទេស ។
ក្រុមគ្រូពេទ្យសម្តេចតេជោ ប្រឆាំងកូវីដ១៩ បានបំពេញភារកិច្ចមនុស្សធម៌ប្រកបដោយមោទនភាពក្នុងចូលទប់ស្កាត់ការរីករាលដាលជំងឺកូវីដ-១៩។ ក្រុមគ្រូពេទ្យធីតា បានបន្តការងារយ៉ាងមមាញឹក និងយ៉ាងសកម្មបំផុតមិនថាថ្ងៃឬយប់ដើម្បីយកសំណាកអ្នកដែលសង្ស័យនៅក្នុងតំបន់ដែលមានការសង្ស័យថ្មីៗបន្ថែមទៀត ក្នុងទឹកដីរាជធានីភ្នំពេញ។
តាមរយៈសកម្មភាពទប់ទល់ជំងឺកូវីដ១៩ មានសប្បុរស ក្រុមហ៊ុន សហគ្រាស ឧកញ៉ាជាច្រើន បានចូលរួមឧបត្ថម្ភជាហូរហែដើម្បីគាំទ្រនិងលើកទឺកចិត្តដល់ក្រុមគ្រួពេទ្យដែលខំបង់កម្លាំងកាយកម្លាំងចិត្តដើម្បីប្រយុទ្ធជាមួយជំងីឆ្លងកូវីដ១៩៕
