ភាពជោគជ័យ និងការរីកចម្រើនដ៏អស្ចារ្យនេះ ក៏ក្រុមហ៊ុនយក្ស ជីបម៉ុង មិនភ្លេចឡើងក្នុងរួមចំណែកផ្តល់ជាវិភាគទានដល់ប្រជាជន និងរាជរដ្ឋាភិបាលកម្ពុជា នាពេលមានគ្រោះមហន្តរាយនិងវិបត្តិផ្សេងៗ។ ថ្មីៗនេះ ក្រុមហ៊ុន ជីបម៉ុង បានចូលរួមបរិច្ចាគថវិកា ២លានដុល្លារ ដើម្បីទិញយកមន្ទីរពេទ្យ “នគរទេព” ហើយនិងត្រូវប្តូរឈ្មោះថាជាមន្ទីរពេទ្យ “ហ្លួងម៉ែ” មកជាសម្បត្តិរដ្ឋវិញ។
ចាប់តាំងពីឆ្នាំ២០២០ ជីប ម៉ុង បរិច្ចាគជូនរដ្ឋាភិបាល ៨លាន ៦សែនដុល្លារ ម៉ាស់៥លានម៉ាស់ ទឹកបរិសុទ្ធ កម្ពុជា រាប់ម៉ឺនកេស និងផ្សព្វផ្សាយសារអប់រំអស់ថវិកាជាង១៥ម៉ឺនដុល្លារ ដើម្បីចូលរួមទប់ស្កាត់ការរីករាលដាលនៃវីរុសកូវីដ-១៩។
គួរជម្រាបផងដែរថា ក្រុមហ៊ុន ជីបម៉ុង ជាសាជីវកម្មមួយដែលរីកចម្រើនគួរឲ្យកត់សម្គាល់ក្នុងរយៈពេលបីទសវត្សរ៍កន្លងទៅនេះ និងបានកំពុងផ្តល់វិភាគទានដ៏សំខាន់ក្នុងការអភិវឌ្ឍកម្ពុជា។ ក្រុមហ៊ុន ជីប ម៉ុង បានរក្សាកិត្តិយសក្នុងនាមជាអ្នកនាំមុខក្នុងពាណិជ្ជកម្មលើច្រើនវិស័យដូចជា ការអភិវឌ្ឍលំនៅឋាន បេតុងលាយស្រេច ការចែកចាយ និងផលិតស៊ីម៉ងត៍ ការចែកចាយផលិតផលបរិភោគ ការផលិតស្រាបៀរ និងភេសជ្ជៈ។ល។ តាមរយៈសមត្ថភាព ការប្រកួតប្រជែង និងការចែកចាយទាន់ពេលវេលា ជាមួយបទដ្ឋានគុណភាពខ្ពស់បំផុត៕
អត្ថបទទាក់ទង៖
