តាមរយៈការថ្លែងសារពិសេសផ្សាយផ្ទាល់ពីគេហដ្ឋាន នៅក្រុងតាខ្មៅ នៅព្រឹកថ្ងៃទី១០ ខែមេសា ឆ្នាំ២០២១នេះ ពាក់ព័ន្ធស្ថានភាពជំងឺកូវីដ-១៩ នៅក្នុងប្រទេសកម្ពុជា សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា មានប្រសាសន៍ថា គ្រួសារកំពុងចត្តាឡីស័កតំបន់ Lockdown រដ្ឋជូន ៣០ម៉ឺនរៀល និងថ្លៃទឹកភ្លើង ០២ខែ + អាហារមួយចំនួនថែមទៀត។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
បើតាមសម្តេចតេជោ ហ៊ុន សែន បានប្រកាសមានអ្នកឆ្លងកូវីដ-១៩ ចំនួន ៤៨៣នាក់ទៀតនៅព្រឹកនេះ។ នេះជាកំណត់ត្រាពីរថ្ងៃជាប់គ្នា ដែលកម្ពុជាប្រកាសមានអ្នកឆ្លងច្រើនបំផុត។
រាជធានីភ្នំពេញដែលជាប្រភពឆ្លងរាលដាល់កូវីដដ៏ធ្ងន់ធ្ងរ អាជ្ញាធរបានសម្រេចបិទភូមិសង្កាត់ក្នុងខណ្ឌចំនួន ៣ ដែលជាប់ពាក់ព័ន្ធកម្មករនៅរោងចក្រឌីនហាន់។ ការបិទនេះមិនអនុញ្ញាតិឲ្យពលរដ្ឋចាកចេញពីផ្ទះនោះទេ ហើយក្នុងករណីចាំបាច់ត្រូវសុំការអនុញ្ញាតិពីអាជ្ញាធរ៕
