ថវិកា ១០ម៉ឺនដុល្លារអាមេរិក ត្រូវបានអ្នកឧកញ៉ា លី យ៉ុងផាត់ អគ្គនាយកក្រុមហ៊ុន LYP Group ចូលរួមឧបត្ថម្ភដល់កាកបាទក្រហមកម្ពុជា ក្នុងឱកាសខួបទី១៥៨ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២១នេះ។
សូមចុច Subscribe Channel Telegram Oknha news គ្រប់សកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព
អ្នកឧកញ៉ា លី យ៉ុងផាត់ ដែលជាម្ចាស់ក្រុមហ៊ុន L.Y.P Group មានក្រុមហ៊ុនជាបុត្រសម្ពន្ធជាច្រើនដូចជា ចំការកៅស៊ូ ក្រុមហ៊ុននាំចូលបារី Phnom Penh Sugar Plantation, O-Smach Electriciry and Water Supply, Koh Kong Resort, Phnom Penh Hotel បណ្តាញស្ថានិយទូរទស្សន៍ PNN ជាដើម ដែលកន្លងមកតែងតែចូលរួមឧបត្ថម្ភថវិកាដល់កាកបាទក្រហមកម្ពុជាសម្រាប់ទិវា ៨ឧសភា។ កន្លងមកនេះ អ្នកឧកញ៉ា លី យ៉ុងផាត់ ក៏តែងតែបានចូលរួមឧបត្ថម្ភថវិកា ជួយដល់យុទ្ធនាការផ្សេងៗរបស់ប្រមុខរាជរដ្ឋាភិបាល ព្រមទាំងបានចូលរួមជួយឧបត្ថម្ភដល់កម្មវិធីសប្បុរសជាច្រើនទៀត៕
