អភិបាលខេត្តត្បូងឃ្មុំប្រកាសយ៉ាងម៉ឺងម៉ាត់ថា អ្នកទៅស្រុកនឹងជាប់ចត្តាឡីស័ក ១៤ថ្ងៃជាកំហិត!

ឯកឧត្ដម ជាម ច័ន្ទសោភ័ណ គណៈនៃគណៈអភិបាលខេត្តត្បូងឃ្មុំ បាន​ផ្ញើសារ​តាមបណ្ដាញសង្គមហ្វេសប៊ុកផ្ទាល់ខ្លួននៅមុននេះបន្តិចថា៖ «ពលរដ្ឋដែលមានបំណងត្រឡប់មកភូមិដ្ឋាន មកធ្វើការ ឬមកលេងសាច់ញាត់ត្រូវធ្វើចត្តាឡីស័ក រយៈពេល ១៤ថ្ងៃ ជាកំហិត!!!»។

ការប្រកាសវិធានការរដ្ឋបាល របស់ឯកឧត្ដម ជាម ច័ន្ទសោភ័ណ ធ្វើឡើងតែប៉ុន្មានម៉ោង មុនរាជរដ្ឋាភិបាល សម្រេចបញ្ចប់បម្រាមបិទខ្ទប់ការធ្វើដំណើរឆ្លងរាជធានីខេត្តក្នុងក្របខណ្ឌទូទាំងប្រទេស ដោយគិតចាប់ពីម៉ោង ១២៖០០ យប់ថ្ងៃទី០៦ ខែឧសភា ឆ្នាំ២០២១នេះ៕