លោកឧកញ៉ា ស្រី ចាន់ថន ប្រធានអគ្គនាយកក្រុមហ៊ុន JET Group និងជាម្ចាស់តំបន់កម្សាន្ត Sky Land 7NG បានចូលរួមវិភាគទានថវិកាចំមួន ១ម៉ឺនដុល្លារអាមេរិក ដល់សាខាកាកបាទក្រហមកម្ពុជាខេត្តកណ្តាល។
សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ
រូបភាពហ្វេសប៊ុក ឧកញ៉ា ស្រី ចាន់ថន
លោកឧកញ៉ា ស្រី ចាន់ថន មានប្រសាសន៍ថា៖ ដោយសង្កេតឃើញ សកម្មភាពមនុស្សធម៌ របស់កាកបាទក្រហមកម្ពុជាខេត្តកណ្តាល ខ្ញុំនិងក្រុមគ្រួសារ 7NG សូមចូលរួមជាជំនួយថវិកាចំនួន ១០,០០០$ (មួយម៉ឺនដុល្លារ) ជូនដល់កាកបាទក្រហមកម្ពុជា ខេត្តកណ្តាល ដោយប្រគល់ជូន លោក គង់ សោភ័ណ្ឌ អភិបាលខេត្តកណ្ដាល នឹងជាប្រធានកាកបាទក្រហមខេត្តកណ្តាល។
រូបភាពហ្វេសប៊ុក ឧកញ៉ា ស្រី ចាន់ថន
បើតាមអ្នកជំនួញមានបេះដូងសប្បុរសធម៌រូបនេះបានគូសបញ្ជាក់ថា ស្ថិតក្នុងស្ថានភាពកូវីដ១៩ដ៏លំបាកនេះ ក្នុងនាមខ្ញុំជាប្រជាពលរដ្ឋម្នាក់ ខ្ញុំនៅតែបន្តវប្បធម៌ចែករំលេក និងផ្ដល់ជំនួយតាមរយៈរាជរដ្ឋាភិបាល នឹងអាជ្ញាធរ គ្រប់រូបភាពដើម្បីសង្គមជាតិរបស់យើងប្រសើរឡើង។
ទន្ទឹមនឹងនោះដែល ឧកញ៉ា ស្រី ចាន់ថន ក៏សូមស្នើរសុំដល់ បងប្អូនទាំងអស់ជួយគោរពគោលការណ៍ដែលក្រសួងសុខាភិបាល ដែលបានដាក់ឡើងដើម្បីប្រឆាំងទប់ទល់ជាមួយកូវីដ១៩ និងទប់ស្កាត់ការរីករាលដាលនៃវីរុសនេះ។ ធ្វើតាមកាណែនាំរបស់ក្រសួងសុខាភិបាល និងថ្នាក់ដឹកនាំរបស់យើង ដែលមានសម្ដេច តេជោ ហ៊ុន សែន ជាប្រមុខ។ រក្សាគម្លាត អនុវត្តន៍តាមគោលការ ៣ការពារ ៣កុំ របស់ដ្ឋាភិបាល ដែលបានដាក់ឡើងដើម្បីទប់ស្កាត់ការីករាលដាលនៃជំងឺកូវីដ១៩នេះ៕
