ចំណូលពន្ធគយពីវិស័យយានយន្ត ចូលរួមចំណែក ៤៣,៥% លើពន្ធគយសរុបសំរាប់ត្រីមាសទី១ ឆ្នាំ ២០២១

ថ្មីៗនេះ អគ្គនាយកដ្ឋានពន្ធដារកម្ពុជា បានចេញសេចក្តីប្រកាស ស្តីពីការប្រមូលពន្ធយានជំនិះគ្រប់ប្រភេទសំរាប់ឆ្នាំ២០២១ ដែលចាប់ផ្តើមទទួលការបង់ពន្ធចាប់ពីថ្ងៃទី ១ ខែមិថុនា ឆ្នាំ ២០២១ នេះតទៅ រហូតដល់ថ្ងៃទី ៣០ ខែវិច្ឆិកា ឆ្នាំ ២០២១។

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

យោងតាមការចុះផ្សាយរបស់ អគ្គនាយកដ្ឋានគយ និងរដ្ឋាករកម្ពុជាបានអោយដឹងថា ចំណូលពន្ធប្រមូលបានប្រចាំត្រីមាសទី១ ឆ្នាំ ២០២១ នេះ មានចំនួន ២,៤៨៩.៨ ប៊ីលានរៀល (ស្មើនឹង ៦១៤.៨ លានដុល្លារអាមេរិក) ថយចុះប្រមាណ ១៥.២% ធៀបនឹងត្រីមាសទី១ ឆ្នាំ ២០២០ ។

លទ្ធផលប្រមូលចំណូលក្នុងត្រីមាសទី១ ឆ្នាំ ២០២១ នេះគឺសម្រេចបាន ២៦% នៃផែនការប្រចាំឆ្នាំ ដែលកំណត់ដោយច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ ២០២១។

បើគិតតាមក្រុមទំនិញវិញ ចំណូលពីយានយន្ត និងគ្រឿងចក្រមានចំនួន ១,០៨៣.៣ ប៊ីលានរៀល គ្របដណ្តប់ ៤៣.៥% នៃចំណូលសរុប ទំនិញចម្រុះមានចំនួន ៦៨២.៣ ប៊ីលានរៀល ត្រូវជា ២៧.៤%នៃចំណូលសរុប​ ផលិតផលតេលសិលាមានចំនួន ៥៦៨.៣ ប៊ីលានរៀល ស្មើនឹង ២២.៨% នៃចំណូលសរុប និង សម្ភារសំណង់និងកម្រៃផ្សេងៗ មានចំនួន ១៥៥.៩ ប៊ីលានរៀល ស្មើនឹង ៦.៣%នៃចំណូលសរុប៕