សេវាកម្មដឹកជញ្ជូនអ៊ីវ៉ាន់ ឬបញ្ញើឆាប់រហ័យ កំពុងចូលខ្លួនមកទាញទម្លាប់រស់នៅរបស់ប្រជាជនកម្ពុជាកាន់តែខ្លាំងឡើងៗ ក្នុងវិស័យ E-Commerce នារយៈពេលប៉ុន្មានឆ្នាំចុងក្រោយនេះ។ ក្រុមហ៊ុនដឹកជញ្ជូនបញ្ញើ ក៏បានបង្ហាញខ្លួន និងពង្រីកសេវាកម្មខាងដឹកជញ្ជូនបញ្ញើនេះ មានការកើនឡើងដូចផ្សិត។
ក្នុងចំណោមក្រុមហ៊ុនទទួល និងផ្ញើបញ្ញើ នៅកម្ពុជាសព្វថ្ងៃ ក៏មានក្រុមហ៊ុន អាឡាដាំង អិចប្រេស (Aladdin Express) មួយដែរ ដែលបានបង្ហាញខ្លួនតាំងពីដើមឆ្នាំ ២០២០ ហើយគិតមកទល់បច្ចុប្បន្ន ក៏កំពុងពង្រីកសាខា តាមទីប្រជុំជនតូចធំ ស្ទើរតែពេញ ២៥ រាជធានី ខេត្ត-ក្រុង ទូទាំងប្រទេសកម្ពុជា។
សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ
តើ Aladdin Express មានចំណុចពិសេសអ្វីខ្លះ បានជាចូលខ្លួនមកក្ដោបក្ដាប់ទីផ្សារខាងសេវាកម្មដឹកជញ្ជូនបញ្ញើនេះ បានលឿនដូច្នេះ?
ពិតណាស់ គឺគ្មានអ្វីក្រៅតែពីវិស័យបច្ចេកវិទ្យា ដែលធ្វើឱ្យសេវាកម្មផ្ញើអ៊ីវ៉ាន់មួយនេះ កាន់តែពេញនិយមខ្លាំងឡើងៗ ក្នុងបរិបទកូវីដនេះ!
លោកឧកញ៉ា ហេង បូរិន អគ្គនាយកក្រុមហ៊ុន Aladdin Express បានបញ្ជាក់ថា៖ «ក្នុងអំឡុងពេលនៃការរីករាលដាលជំងឺកូវីដ១៩ នៅកម្ពុជា វិស័យបញ្ញើនេះ មិនបានទទួលរងប៉ះពាល់ទេ ប៉ុន្តែបែរជាមានសកម្មភាពកាន់តែច្រើន ពិសេសការដឹកជញ្ជូនឆ្លងកាត់រាជធានី-ខេត្តតែម្ដង»។
លោក បន្ថែមថា៖ សព្វថ្ងៃក្រុមហ៊ុនលោក កំពុងតែផ្ដល់សេវាកម្មទទួល និងផ្ញើបញ្ញើក្នុង និងក្រៅប្រទេស ជាមួយភាពងាយស្រួលបំផុតជូនអតិថិជន។ អតិថិជនដែលផ្ញើបញ្ញើតាមរយៈក្រុមហ៊ុនដឹកជញ្ជូន អាំឡាដាំង អិចប្រេស នឹងទទួលបានបទពិសោធន៍នៃបច្ចេកវិទ្យាតាមដានគ្រប់ព័ត៌មានរបស់បញ្ញើពួកគាត់។
ទាំងអស់នេះ ក៏ដោយសារតែបច្ចេកវិទ្យាទំនើបៗចុងក្រោយចំនួន ៤ ដែលក្រុមហ៊ុនផ្ដល់ជូនរួមមាន៖
១. ប្រព័ន្ធប្រតិបត្តិការ PBX Cloud ដែលជាប្រព័ន្ធគ្រប់គ្រងការខលចេញចូល ដោយប្រើបច្ចេកវិទ្យាចុងក្រោយបំផុត។
២. ប្រព័ន្ធ Voice Robot ជាបច្ចេកវិទ្យាដំបូងគេបង្អស់ក្នុងចំណោមបណ្ដាក្រុមហ៊ុនដឹកជញ្ជូននៅក្នុងព្រះរាជាណាចក្រកម្ពុជា និងនៅតាមបណ្តាប្រទេសអាស៊ាន ដែលអនុញ្ញាតអតិថិជន អាចដឹងពីព័ត៌មានរបស់ពួកគាត់យ៉ាងលឿនបំផុត ដោយមិនចាំបាច់រង់ចាំតាមរយៈ telephone-Voice Robot។
៣. ប្រព័ន្ធត្រួតពិនិត្យមើលគោលដៅបញ្ជី Check Tracking Real Time តាមរយៈ Scan QR Code នៅលើវិក័យប័ត្រ ស្កេនតាមវេបសាយ និងស្គែនតាមរយៈ Application (Aladdin Express App) ដែលអតិថិជនអាចមើលឃើញព័ត៌មានទំនិញរបស់ពួកគាត់ Real-Time។
៤. ប្រព័ន្ធ Chat Robot អាចឆ្លើយឆ្លងទៅអតិថិជនដោយប្រព័ន្ធ AI រាល់ការឆ្លើយឆ្លងជាមួយអតិថិជនលើប្រពន្ធបណ្ដាញសង្គមដោយប្រព័ន្ធបច្ចេកវិទ្យា ឆ្លើយតបដោយ Robot ឆ្លើយតបលឿនឆាប់រហ័សទាន់ចិត្ត។ ពិសេសជាងនេះទៅទៀតនោះ គឺក្រុមហ៊ុនដឹងជញ្ជូនលំដាប់កំពូលមួយនេះ មានភ្នាក់ងារអាចទទួលបញ្ញើ និងប្រគល់បញ្ញើទៅទីជិតឆ្ងាយគ្រប់ស្រុកខណ្ឌបានទូទាំងប្រទេស។
បច្ចុប្បន្ន Aladdin Express កំពុងតែបន្តផ្ដល់ឱកាសពិសេស ដល់អ្នកដែលចង់បង្កើតមុខរបរ និងចំណូលបន្ថែម តាមរយៈការចុះឈ្មោះក្លាយជាដៃគូសហការចែកចាយផ្តាច់មុខ នៅតាមតំបន់នានាទូទាំងប្រទេសកម្ពុជា។ ព័ត៌មានបន្ថែម លោកអ្នកអាចទាក់ទងលេខទូរស័ព្ទ៖ 088 2222 008 / 098 900 665 ៕
